Accessibility links

сишәмбе, 6 декабрь 2016, Казан вакыты 08:55

Tatarstan Däwlät Şurasınıñ plenar utırışı barışı...


İnde xäbär itkänebezçä Däwlät Şurasınıñ 17 plenar sessiäse kön tärtibenä 45 mäs''älä kertelgän ide. İke plenar utırış arasında aldan xäl itelgän kön tärtibe mäs''äläläre isemlege ikelätä artqan ikän. Läkin äle bu da çik tügel. Küptän tügel un yäşen tutırğan Tatarstan gimnı yañğırap betü belän deputatlar zalda quyılğan mikrofonnarğa çirat ala başladılar. Kön tärtibenä tağın unbişläp mäs''älä täqdim itelde. Çönki wäzğiät üzgärä tora. Federal'' üzäktä yaña qanunnar, färmannar qabul itelä. Alarnı iskä alırğa turı kilä. Äle iske qanunnarnı täñgälläşterep beteräse bar. 14nçe yüldä “Xalıq deputatların saylaw turındağı” qanunnı täñgälläşterügä birelgän möddät çıqqan ikän. Häm mondıy mäs’älälärne daimi küzätep toruçı deputatlar bar. Döres jurnalistlar, säyäsätçelär Däwlät Şurasında mondıy oppozitsiädä toruçı deputat beräw genä- Aleksandr Ştanin ğına dilär. Läkin beräw dä- berägäyle dilär xalıqta. Pänceşämbe plenar utırışında ul dürt östämä mäs''älä quydı häm alarnıñ härberse cäncalğa tartım ide. Başta ul xökümätkä häm byudjetqa qağılışlı mäs''älälär quydı. Bolar küptän quzğatılğan mäs''älälär. Aleksandr Ştanin xökümät eşçänlege turında qanun qabul itüne talap itä. Anıñ fikerençä mondıy qanun bulmağaç eş tärtibe täğäyenlämägän dimäk cawaplılıq ta yuq. Şuña kürä ul inde saylanğannan birle xökümätne byudjet aqçaların sarıf itüdä tänqitli. Aleksandr Ştanin şulay uq saylanğannan birle Qanunnarnı täñgälläşterü protsessın da küzätep tora. Bu yulı ul äytkänemçä 14nçe yüldä deputatlar saylaw turında qanunnı täñgälläşterü möddäte çıqtı dip häm 11 iyüldä Rusiä Yuğarı Mäxkämäse qararına nigezlänep, azda tügel, küptä tügel- Däwlät Şurasın häm Üzäk saylaw komissiäsen taratu mäs''älären quydı.

Başta Aleksandr Ştanin täqdimenä qanun çığaru, qanunlıq komissiäse räise Midxät Kormanov qarşı çıqtı. Ul —äle mäxkämä qararı kilmäde, şuña kürä Üzäk saylaw komissiäsen çarasızlıqta ğayıplärgä irtäräk dide.

Mondıy cäncal quptarırğa mataşularğa Mintimer Şäymiev çik quydı. Ul-Aleksandr Ştanin inde dürt yıl Däwlät Şurasın “tarata”, läkin üze ber qaya da kitärgä cıyınmıy dide. Däwlät Şurası wäkälätläre möddäte çıqqançı taratılmayaçaq, eşläyäçäk dide.

Tatarstan Däwlät Şurasınıñ 17nçe plenar utırışı eşen däwam itä. Anıñ yomğaqları turında aldağı tapşıruıbızda. Läkin inde şunısın täğäyen äytä alabız. Plenar utırış ber köndä eşen tämamlıy. Şunıñ belän yazğı sessiä dä tämam.

XS
SM
MD
LG