Accessibility links

пәнҗешәмбе, 8 декабрь 2016, Казан вакыты 09:08

Qazaq-Törek xalıqara universitetı Tatarstan balaların qabul itärgä teli...


Bötenläy imtixan tapşıra almağan yegetlärgä häm qızlarğa üzlären sınap qararğa tağın ber mömkinlek bar. Qazaqstannıñ Törkstan şähärendä urnaşqan Qazaq-Törek xalıqara universitetı däwlät ara mönäsäbätlärne üsterü maqsatında respublikadan 10 tatar balasın şuşı universitetta belem alırğa çaqıra. Bu yuğarı uqu yortı xoquq belgeçlege, jurnalistika, ingliz tele häm başqa belgeçleklärdän belem birä. 18nçe yüldä Qazaq-törek universitetı wäkilläre Mäğärif ministrlığınıñ ikençe binasında, Dzerjinskiy uramındağı 3nçe yortta, sınawlar uzdıra. Alar tögäl fännärdän häm test räweşendä bulaçaq. Sınaw köndezge säğät 2-dä başlana. Uqırğa kerergä teläüçe yäş keşe üze belän urta belem turında attestatnıñ küçermäsen häm pasportın alıp kilergä tieş bula. Qazaq-Törek xalıqara universitetnı tämamlağan keşegä xalıqara standartlarğa turı kilä torğan diplom bireläçäk, dip xäbär itä Tatarstan mäğärif ministrlığı.

Bikä Timerova, Qazan.

XS
SM
MD
LG