Bügen, Rusiäneñ xezmät häm sotsial üseş ministrı Aleksandr Poçinok Xoquq saqlawçı oyışmalarnıñ neft kampaniäse YuKOSqa basımı näticäsendä, Rusiä milliardlarça dollar yuğalttı, dip belderde."Exo Moskwı" radiosına birgän äñgämäsendä Poçinok YuKOS yıl sayın büdjetqa 3 milliard dollar salım tüli dip äytte. Ministr şulay uq, idaräne Mixail Xodorkovskiy citäkli başlağannan birle, anıñ kapitalı berniçä märtäbä üste, ä inde xäzer, törle tentülär häm citäkçelärennän sorawlar alğannan soñ, YuKOSnıñ üzqimmätelege dä töşte dip bilgeläp ütte.
