Accessibility links

Кайнар хәбәр

Hong-Kongta demokratiä öçen köräş


Hong-Kongta demokratiä öçen köräşüçelär administratsiä başlığı Tun Çexuanıñ eşennän kitüen taläp itsä dä, ul alğa taba cämägätçelek fikere belän isäpläşäçägen belderep, eşen taşlamayaçaq dip belderde. Şuşı aralarda bulıp ütkän qarşılıq aksiälärennän soñ, kiçä iminlek häm finans departamentı başlıqları wazifalarınnan waz kiçte.

Qortqıçlıqlarğa qarşı yaña qanun qabul itelgännän soñ, bu qanun keşeneñ iregen häm xoquqın qısa dip, cämägätçelek moña qarşı kilde, xäzer inde şähär başlığın da eşennän kitüen taläp itä. Tun Çexua yaña qanun xalıq belän berlektä tikşeräçäk dip wäğdä birgän.

Qıtaynıñ tışqı eşlär ministrlığı autonomiä statusına iä bulğan Hong-Kongnıñ eçke eşlärenä tıqşınmayaçağın belderde.
XS
SM
MD
LG