AQŞ saqlanu ministırınıñ urınbasarı Paul Wolfowitz 5 könlek säfär belän Ğıraqqa kilde. Başta äytelgäneçä ul Bush administratsiäseneñ suğıştan sonğı Ğıraqnı tözekländerü tırışlıqlarındağı uñış häm kimçeleklären tikşerä.Bu vizit ğadi ğıraqlılarnıñ elektr, su citmi digän şiqäyätläreneñ artqan , esselekneñ 50däräcägä citkän könnärgä turı kilde. Pentagon cibärgän bäysez belgeçlärdän torğan törkem 10kön Ğıraqta yörep qaytqannan soñ pändeşämbedä iğlan itkän xisabında ägär dä ğıraqlılar iminlekneñ artuın, töp xezmätlärneñ yaxşıruın , säyäsi häm ekonomik aktivlıqlarda progress kürmäsä qurqınıçsızlıq xälläre tağı da yamanlaşaçaq dip äytelä. Wolfowitz Bagdadqa kilgeç tä Paul Bremer , berektäş köçlärneñ Ğıraqtağı komandirı Sanchez häm alarnıñ yardämçeläre belän cıyılış ütkärde. Şunnan soñ Bremer jurnalislarğa , küptän tügel genä bilgelängän 25 keşelek idarä şurası sintäber ayında konstitutsiäne yaza başlayaçaq ,ul anı 6-8 ay eçendä tämamlar , ratifikatsiälängännän soñ , irekle saylaularğa yul açıq dip söyläde. Bremer Ğıraqta 1987nçe yıldan soñ can isäbe alınmağanın äytte. Kiläse yılda saylaular ütkäreläçäk ikän can isäben alu, terkäw eşläre qarala başlarğa tieş di Bremer.BMOnıñ saylauçalarnı terkäü mäsäläsendäge belgeçe Bagdadqa kilep, bu turıda Bremergä kiñäşlär biräçäk. Bremer belän bergä jurnalitlar belän oçraşqan başqa räsmilär ğıraqta bigräk tä Bagdad häm tiräsendä iminlek urnaştıru, ilneñ cimerek iqtisadın ayaqqa bastıru yıllarça däwam itäçäk qıyın eşlär dip söyläde. Barlıq räsmilär barlıq cawaplılıqnı ğıraqlılarğa küçerü töp mäqsat dip basım yasadı. Administratsiäneñ ölkän räsmi şäxse äytüenä qarağanda Wolfowitz säfäre waqıtında iminlek , ekonomika häm Ğıraqta oyışa başlağan sivil politik strukturanı tikşeräçäk. Wolfowitz adminsitartsiäeneñ Ğıraq säyäsäteneñ töp arxitektorlarınnan berse. Wofowitz kilep töşkäç tä 150meñ çaması amerikan soldatınıñ Ğıraqta duçar bulğan höcümnär yäki äle kiçä genä Saddamnıqı dip uylanğan audio tasma turında ber süz dä äytmäde. Tasma Saddamnıñ Baath partiäseneñ 35yıl elek xakimiätkä kilgän köngä turı kilde .Falluca şährendä 300 çaması Saddam taraftarı komendant säğäte häm tıyuğa qaramastan bärep töşerelgän diktatornı yaqlap demonstratsiä ütkärde. Alar bez ber qayçanda Ğıraq yäki Saddamnnan vazkiçmiäçäkbez digän şiğarlar qıçqırdı. Ğıraqta iminlek urnaştıru häm yañadan tözekländerü öçen zarur çığımnar häm logistik qıyınlıqlar xäzer açıqtan açıq kürenep tora. Suğışqa qarşı bulğan illär BMOsı mandatı bulmıy torıp anda barmayaçaqların äytep quyğan ide. Waşington BMOnıñ Ğıraqtağı rolen kiñäytsä dä, bu äle kiräkle xalıqara yardäm aftomatik räweştä kiläçäk digän szü tügel. Yevropa Berlege häm Dönyanıñ başqa möhim illäre AQŞ östenlek itkän proyektlarnı finansiälärgä telär mikän ?
färidä xämit, praga
färidä xämit, praga