Accessibility links

пәнҗешәмбе, 8 декабрь 2016, Казан вакыты 23:14

Powell: Ğiraqta amerikan xärbilärenä qarşı xöcümnärne tuqtatu öçen kübräk waqıt kiräk


Quşma Ştatlar däwlät sekretare Colin Powell, Ğiraqtağı amerikan xärbilärenä qarşı xöcümnärne tuqtatu öçen kübräk waqıt kiräk bulaçaq, dip bedlerde. Monte Carlo radiosına birgän äñgämäsendä, Powell, bu xöcümçelär älegä yäşerenä, läkin axır çiktä alar betereläçäk, dide.

Berläşkän Millätlär oyışması general sekretare Kofi Annan, İminlek Şurasına cibärgän xatında, Ğiratqa xärbi okupatsiäne tuqtatuğa taba, anıq adımnar yasarğa çaqırdı. Annan süzlärençä, Ğiraq xalqı möstäqillek qayatarılunıñ konkret ğämällären kürergä tieş.

Ul arada bügen Ğiraq armiäsenä ixtiarıylar terkäw başlandı. Bu armiä Saddam Xösäyeneñ elekke xärbi köçlären alıştıraçaq. Amerikan kapitanı Jim Hickman süzlärençä, terkäwlär Bagdad, Basra, Mosul şähärlärendä bara. Berniçä yöz elekke Ğiraq xärbie, meñ keşedän toraçaq berençe törkemgä ğarizalar birde. Elekke maxsus xezmät wäkilläre, Respublika saqçıları, terorçılar – yaña armiägä alınmayaçaq, dip xäbär itelä.

XS
SM
MD
LG