İrannıñ reforma taraflı deputatları, çığığı belän İrannan bulğan Kanada foto-jurnalistı Zöhra Qazemi'nıñ ülüwe uñayınnan, qadimi köçlär qulında bulğan mäxkämägä tänqit belderde. Parlamentta tıñlawlar barışında deputat Möxsän Ärmin, Zöhrä xanımnıñ üleme öçen cawaplılıqnı prokuror Säet Mortawazi'ğa saldı. Ärmin süzlärençä, Zöhrä xanım qulğa alınğannan soñ, törmädä bik qatı qıynalğan, näticädä anıñ baş mienä qan sawğan. Deputat süzlärençä, prokuror, jurnalistnıñ xoquqların häm İrannıñ abruyın yaqlarğa tieş ide. 54 yäşlek Zöhrä Kazemi, Tährannıñ Evin törmäse yanında bulğan protetst aksiäsen fotoğa töşergän öçen, Yünneñ 23-ndä qulğa alınğan ide.
