Accessibility links

дүшәмбе, 5 декабрь 2016, Казан вакыты 05:29

Britaniä xökümäten selketkän skandal!


Britaniä xökümäten selketkän Kelly skandalı BBCnıñ Ğıraq turındağı üzeneñ bäxäsläşelgän 3 tapşırunıñ çığanağı saqlanu ministırlığı xezmätkäre dr. David Kelly dip yäkşämbedä belderüe belän bälkim dä Blair xökümätenä bulğan basımnı az ğına kimette. Älege waqıtta BBC häm tapşunı äzerlägän jurnalislarğa ışanıç sorau astında .Şulay da xökümätkä Ğıraqtağı meñnnärçä qorbanğa qarağanda Britaniädäge ber ülem waqıyğäsen açıqlau , añlatu qıyınraq bulaçaq kebek .

Yäkşämbedä BBCnıñ yañalıqlar bülege direktörı Richard Sambrook , radio belän premier T.Blair xökümäte arasında bäxäskä säbäp bulğan tapşırunıñ çığanağı,ütkän atnada üz üzen ütergän qoral belgeçe Dr.David Kelly dip belderde. Sambrook süzlärençä BBC Dr Kellyneñ ülemenä nıq qızğanıç belderä.Maynıñ 29da Andrew Gilligannıñ äzerlägän tapşırunıñ çığanağı Dr Kelly me digän küp kenä spekulativ fikerlär beyan itelde. Dr Kellyneñ ğailäsenä mäğlümät birgännän soñ bez Andrew Gilligan häm iyunneñ 2vä 4nçe könnärendä Susan Watt äzerlägän tapşırularnıñ töp çığanağınıñ Dr Kelly ikäneñ raslıybız. BBC Dr Kelly belän ängämä waqıtnda alınğan mäğlümätne döres täfsillede dip ışana.Sambrook(audio) Sonğı ber niçä atnada bez Dr Kellynı yaqlau öçen zur tırışılq alıp bardıq. Bu bezneñ aña ışanıç burıçıbız ide. Anıñ ülemennän soñ spekulativ fikerlärne tuqtatu öçen bu mäğlümätne mömkin bulğan qädär tizräk iğlan itü zarur dip uylıybız.Dr Kelly ğailäseneñ üteneçenä esasän bugen irtängä qädär bu turıda ber närsä dä äytmädek. Sambrook süzlärenä däwam itep tağı bolay dide : BBC xökümätneñ tikşerü komitetı belän tulısınça xezmättäşlek itäçäk.Komitet citäkçese lord Huttonğa, dr Kelly belän BBCneñ 2 jurnalistı arasındağı elemtälärneñ barlıq detallären , qul yazmaların tapşıraçaqbız. Bez Dr.Kelly qaraşların cämäğätçelekkä işetterü belän däres eş eşlägänebezgä ışanırğa däwam itäbez. BBC Dr Kellyneñ tragik ülemenä qızğanıç belderä Tikşerü komitetı citäkçese lord Hutton bugen bolay dide (audio) Min bu tikşerüne tizlektä ütkärep xisabnı äzerlärgä nietlänem . Min şulayuq tikşerülärne kübesençä cämäğätçelekkä açıq alıp barırğa cıyınam. Yañalıqlar direktorı Sambrooknıñ belderüe şiq tudıra. Çönki Dr Kelly ülemennän ike kön elek parlament komitetında jurnalist Gilligan belän ike märtäbä oçraşuın iqrar itsä dä , Gilligan mäqaläse öçen töp çığanaq buluın kire qaqqan ide.. 29-nçe mayda BBCtapşıruında Andrew Giligan küzläü idaräseneñ ölkän çığanağı miña , Blairnıñ kommunikatsiä mäsäläsendäge kiñäşçese Cambell Britan küzläü idaräsenä , Ğıraqqa xärbi intervensiäne aqlau öçen Bagdad 45 minut eçendä ximik häm biologik qoralların aktivlaştıra ala digän mäğlümätne dosiägä östergä digän basım yasadı digän mäğlümät birde dip äytkän ide. Cambell paralemnt komitetında bu ğäyepläwne kire qağıp , aqlanğan ide. Komitet şulayuq qoral belgeçe Kellyneñ dä BBC xabärendä töp çığanaq bulmawına häm anıñ gönah täkäse genä buluına ışandı. Kellyneñ ğailäse häm dusları komitetta duçar bulğan qatı möğämälä säbäple ğalimneñ küñele nıq töşkän ide dip äyttelär. Comğa könne Oxfordshire dä öyennän yıraq tügel qoral belgeçeneñ mäyete tabılğaç ta Aziedä säfärdä yöregän premier T.Blair şunduq bu turıda bäysez tikşerü ütkärergä quştı . Döres xabär häm balanslı analizları belän tanılğan BBC tele-radio şirkäte sonğı waqıtlarda Ğıraq suğışı häm yaqın könçığıştağı konfliktta bitaraf tügel digän tänqitlärgä duçar bula başladı.AQŞta uñ qarşlı komentatorlar BBCnı Bagdad Broadcasting Corporation dip atıy başaldı. İzraelde Sharon xökümäte BBC xabärçelärenä mäğlümät birmi. Ütkän atnada Sharon Londonda mäğlümät çaraları wäkilläre belän irtänge çäydä oçraşqanda BBC xabärçeläre anda kertelmäde. BBC tänqitlärgä bez här ike yaqnıñ taläp häm perspektivaların belergä telägän xalıqara cämäğätçelekkä yünelgän mäğlümät çeltärebez digän cawap qaytara

färidä xämit, praga
XS
SM
MD
LG