Düşämbe könne Pekiñda Britaniä premyer ministrı Tony Blair häm Qıtay xökümäte başlığı Wan Szyabao söyläşülärendä Tönyaq Koreanıñ atom programması krizisı iğtibar üzägendä buldı.
Blair Pekiñğa Seulda, Könyak Korea prezidentı No Mo Hyun belän oçraşudan soñ kilde. Britaniä premyerı Tönyaq Korea mäs'äläsen zur saqlıq belän çişärgä kiräk dip belderde. Anıñ süzlärenä qarağanda, ägär dä Pxenyan üzeneñ atom programmasınnan waz kiçsä, xalıqara cämäğätçelek aña yärdäm kürsätergä äzer.
