Accessibility links

шимбә, 3 декабрь 2016, Казан вакыты 20:44

Ğiraqtağı idarä şurasınıñ yaña utırışı buldı


Bağdadta Ğiraqnıñ idarä şurası, yabıq işeklär artında xakimiättäge üzäk urınnarda bulaçaq citäkçelärneñ kandidaturaların tikşerde. 13 iyüldän eşkä kereşkän şurada xalıqnıñ barlıq törkemnärennän dä wäkillär kertelgän. Läkin şiğilar kebek sönnilär dä küçü waqıtınıñ başqarma organın qanunsız dip sanıy häm turıdan turı saylawlar taläp itä. 25 keşedän torğan idarä şurası amerikan-britan administratsiäse tarafınnan bileglängän ide. Ğiraqta qoalitsiä ğäskärlärenä höcümnär tuqtalmıy. Bügen Bağdadta şartlawdan ber Amerika xärbie häm Ğiraq tärcemäçese hälak bulğan. Äl Falludca şähärendä xärbi qärwan utqa totılğan. Qorbannar yuq. Bügen, Ğiraqta Amerika xärbiläre citäkçese John Abizaid, Säddäm Xösäyen tarafdarları ilne suğıştan soñ torğızu eşlärenä niçek bulsa da qomaçawlarğa tırışalar dip belderde.

XS
SM
MD
LG