Accessibility links

җомга, 9 декабрь 2016, Казан вакыты 20:31

Avtomobil'' xucalarına mäcbüri iminlek qanunı Tatarstanda niçek ütälä...


Ministrlar Kabinetınıñ sişämbe brifinğı avtomobil' xucalarına mäcbüri iminlek tüläwläre kertügä bağışlandı. Mäğlüm ki älege qanun Rusiädä 1nçe yüldän ğämälgä kerde. Tatarstanda da berniçä iminiät kompaniäse bu yaña bazarda ciñ sızğanıp eşkä kereşte. Brifingqa avtoiminiät belän şögellänüçe- “İtil'”, “Rosgosstrax”, “Nasko” kompaniäläre wäkilläre, Däwlät avtoinspeksiäse häm Aq Bars bankı wäkile kilgännär. İñ berençelärdän bulıp bu eşkä litsenziä alğan “Rosgosstrax” kompaniäse wäkile söyli.

Audio

Yäğni alar respublikada berençelärdän bulıp eşkä kereşkännär. Älegä iminiät polisları avtomobillärne terkägändä yä terkäwdän töşergändä, texnik xälen tikşergändä tözelä. Bu eşlär Däwlät avtoinspeksiäse küzätüendä. Şuña kürä avtomobil' xucaları polis satıp alırğa mäcbür. Bazar bäxäse 15-20 meñ bulğan iske “Жигули “ “Москвич”lar öçen urtaça ike meñ sum aqçanı tik torğanda beräwdä çığarıp salırğa aşqınıp tormıy. Xättä yünle genä xezmät xaqı ala dip sanalğan jurnalistlar, straxovka bäyälären qibatsınalar häm brifingta da iminiät kompaniäläre wäkilläre belän satulaşıp aldılar.

Audio

Şulay itep brifingta äytelgänçä Tatarstanda 650 meñ avtomobilneñ 10 protsentına iminiätlek polisları tözelgän bulsa, iminiät kompaniäläreneñ “kesäsenä” küpme aqça kerep utırğanıñ häm utıraçağınıñ isäpläwe qıyın tügel. Xäyer isäpläşergä häm satulaşırğa soñ inde. Rusiädä iminiät kompaniäläre bu eştä ber-niçä milliard dollar aqça tabış alaçaqlar dip yazıp çıqtılar Mäskäw gazetaları. Şuña kürä älege qanunnı ütkärer öçen aqça jällämägännär ikän. Ğädättä xalıq “Rusiädä köçle qanunnar şaqtıy qabul itelä ul. Läkin şunısı yaxşı alar barısı da ütälmi”-dip üz-üzen tınıçlandıra. Läkin 15 könlek täcribä şunı kürsätä bu andıy oçraq tügel. Avtomobil iminiäte aqçaların cıyuğa avtoinspeksiä kebek däwlät strukturaları cigelgän. Cıyılğan aqçalarnı äyländerep fayda alırğa xökümät qaramağındağı banklarda äzerläp quyılğan. Ä avtomobil' xucalarına nindi fayda bulır älegä brifingta moña cawap alıp bulmadı.

Yunıs Ätnäle.

XS
SM
MD
LG