Accessibility links

Кайнар хәбәр

Tatarstan xalıqara eşçänlegen kiñäytä...


Çärşämbe könne Tatarstan xökümäteneñ delegatsiäse Koreya respublikasına räsmi säfären däwam itte. Delegatsiäne respublikanıñ premyer-ministrı Röstäm Miñnexanov citäkli. Säfärdä şulay uq ministr Xafiz Salixov, Tatneft, Nijnekamskneftexim şirkätläre, Aq Bars bankı citäkçeläre dä qatnaşa. 25nçe yülgä qädär baraçaq şuşı vizit qısalarında tatarstanlılar Koreyanıñ LG şirkäte belän xezmättäşlek häm Tatarstanğa investitsiälär cälep itü turında söyläşäçäklär, şirkätneñ citäkçelege belän oçraşaçaqlar. Qazanğa isä çärşämbe könne Mäskäw şähärennän qunaqlar kilde. Rusiä başqalasınnan kilgän räsmi delegatsiäne Mäskäw xökümäteneñ wäkile Evgeniy Egorov citäkli. Mäskäwlelär Qazanda keçe eşmäkärlekne üsterü yulların, Mäskäw belän töbäklär arasındağı xezmättäşlek häm investitsiälärne cälep itü problemaların tikşeräçäk. Şulay uq älege vizit qısalarında başqalabızda Mäskäwdä citeşterelgän tawarlarınıñ kürgäzmäse, xalıq uyın qorallı ansambleneñ Salix Säydäşev isemendäge Zur konsertlar zalında çığışı qaralğan.
XS
SM
MD
LG