Accessibility links

пәнҗешәмбе, 8 декабрь 2016, Казан вакыты 17:22

Saddamnıñ ike ulı Musulda üterelde!


Quşma Ştatları Ğıraq diktatorı Saddamnıñ ike ulı Uday belän Qusay Musul şähre yaqınında qorallı bäreleştä üterelde dip belderde. Zalim ike tuğannıñ üterelüe häm ğıraqlılar öçen häm dä basım astında torğan AQŞ häm Britaniä citäkçeläre öçen zur simvolik ähämiätkä iä. Uday häm Qusaynıñ üleme belän amerikan xärbilärenä oyıştırılğan höcümnär kimemägän xäldä rejim qaldıqları ğına tügel ä xalıqnıñ ber qatlamı da qarşılıq kürsätä digän yomğaq yasap bulır

Başlarına 15är million dollar aqça wäğdä itelgän Saddamnıñ ike ulı Uday belän Qusay sişämbedä Musul yaqınında ber villada 4 säğät däwam itkän atışular näticäsendä üterelde. Ğıraqtağı amerikan xärbiläreneñ citäkçese general Ricardo Sanchez bu xaqta Bagdadta belderde. (audio) Operatsiä waqıtında üterelgän 4keşeneñ mäyetläre binadan çığarıldı, ülüçülär arasında Uday belän Qusaynıñ da buluları raslandı. Sanchez ike mäyetneñ DNK sınawı tämamlanmağan bulsa da , törle çığanaqlar ike mäyetneñ kemlegen raslıy dip äytte. Diktator ullarınıñ Musul yaqınıda Saddam yaqınıñ villasında yäşerengän buluın ber musullu AQŞ räsmilärenä xäbär itkän dip belderelä. Uday belän Qusay Xösäinneñ ülemenä bik az ğıraqlı matäm totar dip äytep bula. Alar da ataları kebek xalıqnı qurqu eçendä yäşette, üzläreneñ patşalarça yäşewen finansiäläv öçen ilne taladı, törle kontrabanda belän şägellände.Udaynıñ playboy tormışı ,bäğersezlekläre turında bik küp söylänä. Saddam abisına qarağanda tınıçraq bulğan yäşräk ulı Qusaynı üzeneñ varisı itep saylağan digän kiñ taralğan xabärlär bar. Amerikan xärbiläre xäzer Saddam Xösäinne üle yäki tere kileş tapsalar , ğıraqlılar bälkim dä dikator häm anıñ näsele yañadan xakimiätkä qaytır digän qurqudan qotılır ide. Bagdadtta Qusay belän Udaynıñ üterelü xabäre xalıq arasında şatlıqqa , säğätlärçä havağa ut açu belän qotlauğa säbäp bulğan. Ämma sönnilär küpçelektä bulğan Musulda reaksiä başqaraq , anda Saddam häm ğailäsen yaqlağan şiğarlar qıçqırğan xalıq. Bagdadta da qayberäülär üz iminlegenä bik zur ähämiät birgän ğailädä niçek itep ike äğza Uday belän Qusay bergä ber yortta bulğan . Niçek itep Uday belän Qusay üzlären ber çitlekkä yabarğa röxsät itkän digän soraular quyalar. Amerikan räsmiläre Uday belän Qusay mäyetläreneñ foto räsemnären basıp çığarırğa cıyına dip äytelä. Xabär berektäşlär arasında uñay qarşı alındı. Älege waqıtta Waşingtonda bulğan Bagdadtağı AQŞnıñ sivil administratorı P.Bremer(audio) Min Saddam ullarınıñ üleme turında ber genä komantar biräm, . bu Ğıraq xalqı häm bu operatsiädä bik zur professionalzim kürsätkän AQŞ xärbiläre öçen bik möhim kön. Hong-Kongta säfärdä yöregän Britan premiere T.Blair (audio) Bu yaña Ğıraq öçen bik zur kön , xakimiät başında bulğan bu ike keşe qoral programması säbäple iminlekkä genä qurqınıç tudırmadılar ä alar kümäk qäberleklär kürsätkänçe meñnnärçä gönahsız keşeneñ cäberlänü üleme öçen dä cawaplı , şatlıqlı bäyräm küreneşläre alarnıñ ni däräcädä zalim buluınkürsätep tora. Kolaitsiäneñ möhim berektäşe Avstralianıñ premier ministırı John Howard (audio) küp kenä ğıraqlılar eleke rejim xakimiätkä qaytır digän qurquda yäşäde Saddam ullarınıñ üleme qurqunı kimetüdä häm iminlekne arttıruda möhim öleş kertä. Saddam ullarınıñ üterelüe hiç şiksez Ğıraqta küñele töşkän här kön höcümgä duçar bulğan amerikan xärbiläre öçen simvolik ähämiätkä iä. Qayber küzätüçelär başta üç alu höçümnäreneñ artuı mömkin ämma höcümnär aqrnılap süreler, tuqtalır digän fiker belderä. Waşingtonda Cato institutınnan xärbi analitik Ted Carpenter uñay xabär bulsa da, Bush administratsiäse öçen qurqınıç tudıra di. Anıñ süzlärençä, küpkenä ölkän räsmilär şulsanda saqlanu ministırı Rumsfeld Saddam rejimın cimerü ğıraq xalqı öçen bik zur yaxşılıq , koalitsiä köçlärenä höcümnärne eleke rejimnı yaqlauçı bik keçkenä törkem genä oyıştıra dip söyläp kilä. Dönya xäzer monıñ döresme tügelme ikänen küräçäk . Uday vä Qusaynıñ üleme belän qarşılıq kürsätüçelärneñ küñele nıq töşep qorallı höcümnär aqırınlap kimi..töşsä bik yaxşı .. kimemägän oçraqta qarşılıq kürsätüneñ küpkä kiñräk buluın küräçäkbez . Saddamnı qulğa aluğa qarağanda okupatsiäne uñay yaqqa äyländerep, xalıq töp xezmätlär belän tämin itelsä , bälkim qarşılıq kürsätü kimer ide

färidä xämit, praga
XS
SM
MD
LG