Accessibility links

якшәмбе, 4 декабрь 2016, Казан вакыты 21:27

Säddäm Xösäyen ulları Uday belän Qusay üterelde


AQŞ prezidentı George Bush Säddäm Xösäyen ullarınıñ ülemen Ğiraqtağı rejim alışınunıñ elekke xälenä qaymayaçağına ber dälil dip bäyäläwen, Aq Yort wäkile Scott McClellan belderde. Maxsus belderüdä Säddäm Xösäyenneñ ulları Uday belän Qusay Ğiraq xalqına qarşı küp törle cinayätlärdä ğäyeple dielgän. Amerikan-Britan koalitsiäseneñ Ğiraqtağı waqıtlı administratsiä başlığı Paul Bremer bärep töşerelgän diktatornıñ ulların ütergän AQŞ ğäskärläre opersiäsen yuğarı bäyäläde. Şul uq waqıtta ul Amerika xärbilärenä höcümnär tağın da yışayırğa mömkin dip tä kisätte. Uday häm Qusay, alar belän bergä bulğan tağın ike keşe, birelergä telämägännän soñ, üterelgän. Alar yäşerengän urınnı cirle ber keşe kürsätkän. Bügen Ğiraqta höcümnär näticäsendä ike amerikan soldatı hälak bulğan, sigeze yaralanğan. Bügen ğäräplärneñ ber radiostansiäse 20 iyüldä yazılğan, Säddäm Xösäyen möräcäğäte dip farazlanğan, ber yazma tapşırdı. Tasmadağı tawış Ğiraqta suğış äle betmägän dip raslıy häm koalitsiä ğäskärläre ciñeläçäk dip belderä.

XS
SM
MD
LG