Accessibility links

шимбә, 3 декабрь 2016, Казан вакыты 03:24

İzrail citäkçelege törmälärdäge "Hamas" häm "İslamçı Cihad" törkemnäre suğışçıların azat itmiäçäk


Bügen İrail radiosı, bu mäs'äläne qarağan kiñäşmädä berniçä ministr qatnaştı dip xäbär itä. Soñğı qarar kabinetnıñ ğömüm kiñäşmäsendä qabul iteläçäk. Şulay itep, İzrail yaqın arada xalıqara solıx planı qısalarında azat itärgä cıyınğan 450 fälästinle totqın arasında, äytep ütelgän oyışma äğzäläre bulmayaçaq. Fälästin yağı bu san kötelgängä qarağanda azraq dip belderä. Bügen Fälästin aftonomiäse premyer ministrı Mäxmüt Abbas AQŞ prezidentı George Bush belän "solıx yulı" dip atalğan plan turında söyläşer öçen Waşingtonğa kilde. Abbas tınıçlıq urnaştıru programması qısalarında Waşingtonnı İzrailgä basım yasarğa çaqırır dip kötelä.

Ägär dä Abbas İzrail törmälärendäge "Hamas" häm "İslamçı Cixad" törkeme suğışçıların azat itügä ireşä almasa, üzeneñ urının yuğaltaçaq. Şulay dip beldergän Fälästinneñ mäğlümät ministrı Nabil Amr totqınnarnı azat itüne fälästin xalqı häm aftonomiäneñ parlamentı kötä dip belderde.

XS
SM
MD
LG