Belgiä parlamentı un yıl elek qabul itelgän, Belgiä mäxkämäsenä xalıqara suğış cinayätlären qaraw xoquqı birgän qanunnı ğämäldän çığaru xaqında kiñäşläşä.
Şuşı qanun nigezendä Belgiä mäxkämäsenä AQŞ prezidentı George Bush, İzrail premyer ministrı Ariel Şaron häm başqa säyäsätçelär östennän däğwälär kilgän. Belgeçlär fikerençä, ul däğwälär propaganda räweşendä yazılğan.
Quşma Ştatlar küptän tügel genä Belgiä mäxkämäsen tänqitkä tottı. Amerika saqlanu ministrı Donald Rumsfeld, ägär dä ul qanun ğämäldän çığarılmasa, Waşington NATOnıñ Brüsseldäge idaräsen finansılawnı tuqtataçaq dip beldergän.
