Accessibility links

AQŞ Saddam tizdän tabılaçaq dip ışana!


Saddam Xösäinneñ ike ulı üterelgännän soñ, amerikan räsmiläre bärep töşerelgän Ğıraq citäkçese tizlektä tabılaçaq dip ışana. Ğıraqtağı sivil administratsiäneñ başlığı P.Bremer ildä iminlek urnaştıru, iqtisadnı canlandıru häm demokratik xökümätneñ nigezlären salu öçen detalle waqıt grafikası täqdim itte.

Çärşämbedä Dönya Saddam Xösäinneñ ullları Uday belän Qusaynıñ Musulda üterelü xabäre belän şau kilgändä ,Dubaydağı Al arabia televidinie çeltäre Saddamnıñ audio-tasmasın işetterde.Bärep töşerelgän diktator eleke tasmalarında bulğan kebek xalıqnı koalitsiä köçlärenä qarşılıq kürsätergä çaqıra. Amerikan räsmiläre Uday belän Qusay Xösäinneñ üterelüennän soñ , Saddam da tizdän yä üle yä tere tabılaçaq digän arta barğan optimizm beldergändä, ikençeläre bu Saddamnıñ bälkim dä sonğı tasması ide dip söyli. Prezident G.Bush Aqyortta Saddamnıñ ölkän yardämçeläre yä qulğa alındı, yä dä üterelde , ğıraqlılar Saddamnıñ inde alarnıñ tormışında rol uynamauın , anıñ ber qayçan da xakimiätkä qayta almayaçağın añlıy başladı , ullarınıñ üleme dä moñı añlata dip söyläde. G.Bush(audio) Kiçä Musulda rejimnıñ ike xezmätkäre üterelde. Saddam Xösäinneñ ulları , bi xisap ğıraqlını cafalau,imgäkläü häm üterü öçen cawaplı. Xäzer ğıraqlılar eleke rejimnıñ kitüen häm ber qayçan da qaytmayaçağın belä. Kemlege açıqlanmağan ğıraqlı Xösäin tuğannarnıñ Musul yanındağı villada yäşerenüen xabär itkän. Ğıraqtağı AQŞ köçläreneñ komandirı general Sanchez Pentagondağı jurnalislar öçen Bagdadta ütkärgän video-tele-konferensiädä DNK sınavı äzer bulmasa da, mäyetlärneñ teşläre turındağı meditsina mäğlümäte 2 tuğannın ülgän 4 keşe arasında buluın isbatlıy dip söyläde. General Sanchez süzlärençä, Uday ve Qusaynıñ üleme belän ğıraqlılıar inde illärendä demokratiä urnaştıru mäsäläsendä amerikannar belän xezmättäşlek itüdän qurıqmayaçaq.General , Xösäin tuğannarnıñ üleme belän koalitsiä köçlärenä höcümnär dä kimiäçäk dip äytsä dä ul höcümnärne tuqtatu häm Ğıraqta tınıçlıq urnaştıru öçen Saddamnı tabu zarur dip söyläde Waşingtonda administratsiä häm kongress belän mäslixätläşülär ütkärgän Ğıraqtağı sivil adminstrator P.Bremer koalitsiä köçläreneñ Saddamnı tabuı waqıt mäsäläse genä, tuğannarnıñ üterelüe ğıraqlılar öçen dä koalitsiä öçen dä yaxşı xabär . Min Saddam urınında bulsa idem yaxşı yoqlıy almas idem, anıñ ulları üterelde Saddamnıñ eçke dairäsendäge 55 keşeneñ 34, 35 qulğa alındı häm bez aña yaqınlaşıp kiläbez, anı tabaçaqbız dip söyläde. Mätbuğat Klubında çığış yasağannan soñ soraularğa cawap birgän Bremer Sanchez belän kileşep, Ğıraqta tärtib urnaştıru öçen in yaxşı çara Saddamnı tabu, bu Ğıraq xalqındağı bilgesezlek qurqunı yuq itär ide dip säyläsä dä ,administrator Saddamnıñ üleme genä partizan suğışın tuqtatmayaçaq , üzäk komandalıqtan här kön kürsätmä almağan bäysez suğışçılar üz başlarına xäräkät itergä däwam itäçäk dide. Bremer Ğıraqta tärtib urnaştru eşendä amerikannarnı sabırlı bulırğa çaqırıp, dönyanıñ bik az cirendä keşelär ğıraqlılar kebek tirannardan bik tizlektä irekländerelde. Misal öçen SSSRda xalıq Stalin zolımınnan aqırınlap Gorbaçev däwrendäge çiklängän açıqlıqqa , sivil ireklekkä küçte dip äytte.Bremer (audio) Ğıraqta çağıştırırlıq küçeş çorı bulmadı. Ğıraqlılar zolımnıñ qaranğı tönennän ireklek yaqtılığına küçte. Bremer Ğıraqnı tözekländerü , in möhime suğıştan evvelge däräcädä elektr vä su belän tämin itü öçen 60kön kiräk, ämma barıber citeşsezleklär bulaçaq çönki bu infrastrukturağa 35yıl kapital salınmağan dip söyläde. AQŞ sivil administratsiäse elektr infrastrukturası öçen 13milliard dollar kiräk digän faraz beldergändä BMO kiläse 4 yılda su täminatın buldıru öçen 16milliard dollar kapital kiräk di.İminlek urnaştıru öçen Bremer 60köndä yaqınça 7meñ keşedän torğan sivil saqlanu batalyonnarı buldırmaqçı.İqtisadi frontta isä sivl administrator unmeñnnärçä xezmät urını aça, üktäberneñ 15dä Ğıraqta yaña aqça berämlege qullanışqa kertelä.Kiläse atnada ike däwlät bankı eşli başlıy.AQŞ kiläse 6 ayda Ğıraqta sälämätlek saqlau ölkäsendä 211million dollar sarıf itäçäk.Ay sayın mäğaşlar, pensiä häm aşığıç tüläülär öçen 200 million dollar biräçäk.Bremer tarix bezgä ekonomik ireklekneñ politik ireklek belän qultıqlaşıp baruın öyrätte dip äytte. Bik döres , Ğıraqta eşlär Bremer äytkäneçe şoma ğına barsın ide

färidä xämit, praga
XS
SM
MD
LG