Accessibility links

пәнҗешәмбе, 8 декабрь 2016, Казан вакыты 18:59

Grigoriy Pasko çit ilgä çığa almıy


Bügen Mäskäwneñ Lüblino mäxkämäse xärbi jurnalist Griğoriy Paskoğa çit il pasportı birmägän OWİRnıñ qararın döres dip rasladı. Paskqo süzlärenä qarağanda, anıñ koloniädän şartlı räweştä waqıtınnan elek irekkä çığarıluı cäza aludan tulısınça azat itmi ikän. Jurnalist xalıqara ekologik häm ictimağıy oyışmalar çaqıruı belän çit ilgä çığarğa niätlägän bulğan. Ul Lüblino mäxkämäse qararın yañadan, Mäskäwneñ şähär mäxkämäsenä tikşertergä biräçäk.

Däwlät seren açuda gäyeplängän Grigoriy Pasko totqınlıqta utırası waqıtınıñ öçtän ikesen törmädä ütkärgäne häm koloniä administratsiäse yağınnan kisätülär bulmağanı öçen, 23 ğinwarda waqıtınnan alda azat itelde. 2001 yılnıñ dikäberendä Tın okeannıñ radioaktiv sıyıqlıqlar belän pıçranuı turında yazğan Pasko dürt yılğa iregennän mäxrüm itelgän ide.

XS
SM
MD
LG