AQŞ prezidentı George Bush fälästin premyer ministrı Mäxmüt Abbas belän Yaqın Könçığıştağı wäzğiätne cayğa saluda xalıqara plannı tormışqa aşıru yulların tikşerä.
Kiçä Abbas Waşingtonnı tağın ber märtäbä, İordan yılğasınıñ könbatış yarındağı yähüdilär tözegän awıllarnı yuq itü häm İzrail törmälärennän barlıq fälästin totqınnarın çığaru xaqında İzrailne künderergä çaqırdı.
Gaza Sızığında kiçä Yasir Arafatnıñ tuğanı xärbi küzläw başlığı general Mussa Arafat utırğan binanı utqa totqan waqıtta 10 keşe yaralanğan. General üze qaza kürmägän. Bu atışlarnı generalğa höcüm dip bäyälägännär. İzrail xärbiläre fikerençä, bu xäl fälästinnärneñ eçke äşe.
