Berläşkän Millätlär Oyışmasınıñ bu ildäge ilçese Jacques Klein kiçä wäzğiätne cayğa salır öçen Liberiägä tınıçlıq saqlaw köçlären kertergä kiräk dip belderde. Klein süzlärenä qarağanda, Nigeriä ike batalyon ğäskär cibärä, alarnı urnaştıru öçen ber atnağa yaqın waqıt kiräk bulaçaq. Şul uq waqıtta diplomat Liberiädä Amerika ğäskärläreneñ buluı da zarur dip sanıy. AQŞ prezidentı George Bush älegä bu ilgä ğäskärlär cibärü turında qarar qabul itmägän.