Accessibility links

шимбә, 3 декабрь 2016, Казан вакыты 07:35

Sharon 100 fälästinlene törmädän çığarırğa omtıla


İzrael radiosı belderüenä kürä, premier ministır A.Sharon irtägä kabinet utırışında törmädä totılğan fälästin radikal törkemnäre Hämäs häm İslamçı Cihadnıñ 100äğzasınıñ irekkä çığarıluın sorıyaçaq.Radio äytüenä kürä Sharon prezident G.Bush belän söyläşü öçen Waşingtonğa kitkänçe , İzraelneñ yaqın könçığışta tınıçlıq urnaştırırğa tırışuın kürsätü mäqsatında bu adımnı atlıy. Fälästin totqınnarı tınıçlıq planıñ ğämälgä quyuda möhim kirtä bulıp tora.Hämäs vä İslamçı Cihad İzrael törmälärendä totılğan fälästinnärne irekkä çığaru şartı belän, iyün ayında 3 ay atışlarnı tuqtatıp torırğa riza bulğan ide. Yasir Arafatnıñ ölkän yardämçese prezident Bush belän fälästin premiere Mäxmud Abbas arasında bulıp alğan söyläşülärne xuplap çıqtı. Nabil Abul Rudeina , İzraelneñ könbatış Yordan Üzänendä tözegän iminlek diwarın Bushnıñ tönqitläwenä yuğarı bäyä birsä dä, fälästin yağı xäzer süzlärne ğämäldä kürergä teli dide.

XS
SM
MD
LG