Accessibility links

чәршәмбе, 7 декабрь 2016, Казан вакыты 23:31

Mısır belän İordaniä diñgez töbennän salınğan gazütkärgeçne açu tantanası ütkärde


Bu gazutkärgeç aşa Mısırda çığarılğan tabiği gaz İordaniägä qudırılaçaq. Qahirädän 450 çaqrım könçığıştağı Taba şähärendä ütkän bu tantanada Mısır Prezidentı Xösni Möbäräk belän İodaniä patşası Abdulla da qatnaştı. Ütkärgeçneñ tözelep betkän berençe öleşe Mısırnıñ Sinay yarımutrawı häm Qızıl dingez töbe aşa ütep İordaniäneñ Aqaba portına barıp totaşa. Bu ütkärgeçneñ ikençe öleşe dä tözeläçäk häm ul İordaniäneñ tönyağında qädär suzılaçaq. Öçençe öleş isä Süriägä, Livanğa, Törkiägä häm annan Yewropağa qädär barıp citäçäk. Misırnıñ bik küp tabiği gazı bar. Häm ul kiläçäktä iñ küp gaz çığaruçı illärneñ bersenä äwerelergä teli.

XS
SM
MD
LG