Accessibility links

сишәмбе, 6 декабрь 2016, Казан вакыты 13:15

A.Sharon Waşingtonğa kitkänçe fälästinnärgä qayber taşlamalar yasadı


Premier Sharon xökümäte elekege pozitsiäsen üzgärtep yäkşämbedä törmädä totılğan 540 fälästin radikalen irekkä çığarırğa buldı. İzrael xärbiläre Könbatış Üzänendä küp kenä yul blokadaların sütte.Böten bu çaralar Sharonnıñ AQŞqa oçıp kitüennän berniçä säğät elek kenä kürelde.Waşingtonda Sharonnı Prezident Bush belän qayber mäsälälärdä fiker ayırmalıqları kötä.

A.Sharon kabinetı yäkşämbedä 9qarşı 14tawış belän İzrael törmälärendä totılğan Hämäs vä İslamçı Cihad äğzalarınıñ qayberlären irekkä çığarırğa buldı. Bu fraksiälär bilgele bulğança İlzraeldä oyıştırılğan intihar höcümnäre öçen cawaplı. Saqlanu ministırı Shaul Mofaz fälästinnärne irekkä çığarunı yaqlap tawış birgännnän soñ , bu qıyın dilemma bulsa da tınıçlıq öçen kiräkle , minemçä solıxqa şans tanırğa tieşbez dip söylägän, Finans ministırı B.Netanyahu da kabinet utırışında,Bush belän oçraşudan elek Sharonnıñ pozitsiäsen nığıtu öçen fälästinnärne irekkä çığaru zarur dip beldergän. İzrael räsmilärenä qarağanda bu könnärdä islamçı törkemnärneñ 210, Arafatnıñ Fatax firkasınıñ 210 äğzası häm törle cinayätlär säbäple qulğa alınğan tağı 120 fälästinle irekkä çığarıla. Ğomumän alğanda fälästinnärne irekkä çığaru qararı uñay qarşı alındı. Fälästin mäğlümät ministırı Nabil Amr jurnalislarğa (audio) Minemçä İzrael belän yaña tör mönäsbätlärgä başlau häm tınıçlıq planın kiñ külämdä yaqlattıru öçen alğa taba atlanğan uñay adım. Ämma Hämäs citäkçelärennän Abdel Aziz al Rantisi qaraşınça fälästin totqınnarnıñ qayberlären genä irekkä çığaru ışanıç buldıru öçen citärlek tügel. Rantisi(audio) Bu İzrael yağınıñ atlağan möhim adım tügel. Uyın ğına.Bez qulğa alınğan barlıq ğäräb-fälästinnär irekkä çığarılmasa , Hämäs operatsiälärne tuqtatu öçen alğa sörgän şartlar ütelmägän dip qarıyaçaq .Näticälär öçen alar cawaplı bulaçaq. Bilgele bulğança fälästin premiäre M.Abbas comğada Waşingtonda Prezident Bush belän oçraştı. AQŞta uiñay täsir qaldırğan Abbasnıñ fälästinnär arasında popularlığın arttıru mäqsatında Bush 20million dollarlıq yardäm dä wäğdä itte. Fälästin premiäre İzraelneñ törmädä totılğan 6meñ fälästinlene irekkä çığarunı kire qağuın belderde, Ul ayruça İzraelneñ iminlek diwarı tözüe turında da şiqäyät belderde. Äytep kitkän här ike mäsälädä tınıçlıq planında qaralmağan. Prezident Bush iminlek diwarı şulayuq yähud utarlarınıñ tözelüe tuqtatılırğa, röxsätsez tözelgännäre cimerelergä tieş dip söyläde. İzrael mätbuğatına qarağanda Sharon Bushnıñ Könbatış Üzänendä diwar tözüne tuqtatığız digän taläben kire qağırğa cıyına. Fälästinnär bu diwar kiläçäktäge Fälästin däwläteneñ çige bulaçaq häm bu Könbatış Üzäneneñ 45%nıñ ğına fälästinnärgä bireläçägen kürsätä dip qarşı çığalar. İzrael isä terrorçılarnıñ ütep kerüen tuqtatu öçen diwar kiräkle digän noqtada tora. Sharonnıñ vizit waqıtnda närsä äytäçäge mäğlüm fälsätin citäkçelege solıx plannıda taläp itelgäneçä radikal törkemnärne taratmadı, qoralsızlandırmadı. M.Abbas ta anıñ iminlek köçläre başlığı Dahlan da watındaşılar suğışına alıp bara alaçaq qurqınıçlı taratu eşenä kereşmäde. Ä radikal törkemnärneñ İzraelgä höcümnären 3 ay buyı tuqtatıp toruğa ireşte, Abbasnıñ totqınnar mäsäläsen ni öçen prioritet itep quyğanı añlaşılsa da İzrael qulları qanğa buyalğan fälästinnärne irekkä çığarmayaçaqbız dip belderde. Sharon oçqıçqa utırğança tağı yullardağı qayber blokadalarnı sütep fälästinnärneñ üz territoriäsendä säyäxät itüen qulaylaştırdı, şulayuq 5meñ fälästin eşçesenä İzraelgä barıp eşläü röxsäte birde. Sişämbedä G. Bush , Sharon kürgän çaralarnı älbättä tınıçlıqqa taba atlanğan adımnar dip xuplayaçaq, ämma ike citäkçeneñ iminlek diwarı şulayuq yähud utarları mäsäläsendäge pozitsiäse berbersennän şaqtıy yıraq

färidä xämit, prga
XS
SM
MD
LG