Accessibility links

җомга, 2 декабрь 2016, Казан вакыты 23:09

Könbatış Afrika citäkçeläre Liberiägä ğäskär cibärü mäs'äläsen qarıy


Könbatış Afrika illäre liderları Liberiägä tınıçlıq urnaştıru köçlären yullaw turında soñğı qararların qabul itärgä tieş. Kiñäşmä Gana başqalası Akkrada ütä. Berençelärdän bulıp Liberiägä Nigeriäneñ meñgä yaqın soldatınnan torğan ike diviäziäse kilep citärgä tieş. Alarnı yullaw turında färmän bügen-irtägä birelergä tora. Tınıçlıq urnaştıru köçläreneñ ğomum sanı öç meñ tiräse bulaçaq. Quşma Ştatlar Liberiä yarlarına üzeneñ xärbi köymälären cibärde. Liberiä başqalası Monroviädä wäzgiät kisken xäldä saqlana. Soñğı könnärdä genä prezident Charles Taylor ğäskärläre häm baş kütärüçelär arasında bulğan bäreleşlärdä unnarça keşe hälak bulğan. Monroviädä eçär su häm azıq tölekkä ixtıyac arta.

XS
SM
MD
LG