Accessibility links

шимбә, 3 декабрь 2016, Казан вакыты 22:53

Tatar ictimaği üzäge yañalıqları...


28 yündä Bötentatar ictimaği üzäge matbuğat oçraşuı ütkärde. İctimaği üzäktä tamırdan üzgäreşlär häm yañalıqlar. 16 yüldän Rusiädä säyäsi firqälär turında qanun ğämälgä kertelgäç, ul säyäsi oyışma statusınnan mäxrüm buldı. Çönki säyäsi statusnı saqlap qalu öçen iñ az digändä oyımada 10 meñ keşe bulu, rusiäneñ 45 töbägendä yözär keşelek filiallar buldıru zarur. Tatar ictimaği üzägeneñ mondıy mömkinlekläre yuq. Şuña kürä ul milli mänfägatlärne yaqlawda teläktäş bulırlıq firqağä quşılırğa bulğan. Xäzerge waqıtta Tatar ictimaği üzäge citäkçelege “Xäqiqat häm Rusiä üseşe” firqäseneñ Tatarstandağı filialın räsmi terkäw mäşäqätläre belän mäşgul. Älbättä bu eşlärgä ictimaği üzäk prezidiumı häm “Xäqiqat häm Rusiä üseşe” firqäse liderı Möxämmät Rädcäbovtan xäyer-fatixa alınğan. Mäğlüm ki Möxämmät Rädcäbov häm ul citäklägän firqä säyäsi möxittä şaqtıy abruylı. Tuqsanınçı yıllar başında ul “Nur” annan soñ “Rusiäneñ İslam firqäse” iseme astında eşläde. Ä xäzer zamana taläplärenä turı kiterep isemen üzgärtkän ikän. Bötentatar ictimaği üzäge dä moñarçı tuplağan abruyın, cämğiättä totqan urının cuyarğa uylamıy. Kiresençä, düşämbe könne matbuğat oçraşuına TİÜ binasına kilgän jurnalistlar andağı yaña cihazlarğa, tärtipkä, oyışqanlıqqa iğtibar ittelär. Binada şulay uq yaña xezmätkärlär dä bar ide. Matbuğat oçraşuın alıp baruda Ayrat Gabdullin qatnaştı. Anı ictimaği üzäkneñ yaña oyıştırılğan başqarma komitetı citäkçese dip täqdim ittelär. Ayrat äfände matbuğat oçraşuınıñ ikençe mäsäläse Başqortstan da häm Tatarstanda tatar-törek litseyları tiräsendäge wäzğıät turında söyläde. Mäğlüm ki Rusiä xökümäte älege litseylarğa mönäsäbäten qırıslattı. Başqortstanda tatar-törek litseyların yabu oçraqları bar ikän, ä Tatarstanda alarnı Mäskäw çinovnikları tikşerülär belän intekterä. Ni öçen? Ayrat Gabdullin söyli. Bu tatar-törek litseyları tiräsen däge wäzğıätkä qarata BTİÜ möräcäğätennän özek. Şulay uq bu problema xaqında Rusiä prezidentı Vladimir Putinğa xatqa imzalar cıyu da oyıştırılğan. İnde 200 imza cıyılğanda. Östäp şunı ğına äytäse qaldı. Bügenge matbuğat oçraşuı atna azağına farazlanğan matbuğat oçraşuına prelyudiä genä ikän. Ul matbuğat oçraşuına Mäskäwdän tanılğan xoquq yaqlawçılar: “Xel'senki” törkeme häm “Memorial“ wäkilläre kilüe kötelä.

Yunıs Ätnäle.

XS
SM
MD
LG