Accessibility links

якшәмбе, 11 декабрь 2016, Казан вакыты 01:19

Tellär probleması Tatarstan matbuğatında çağılış tabamı?


Tatarstanda tellärgä, alarnı üsterü, respublika xalıqları tellärenä bäyle problemalarnı kütärügä ähämiät şaqtıy birelä. Respublika xökümäte dä bu ölkäne iğtibarsız qaldırmıy, mäğlümat çaraları da äledän-äle şuşı temağa möräcäğät itälär. Läkin temanı tiränten öyränü häm yaqtırtu barıber citep betmi. Citmäsä, tel probleması bik çeterekle mäs’älä, bigräk tä Tatarstan kebek küp millätle häm küp telle respublikada. Näq menä şuña kürä, Tatarstannıñ Ministrlar Kabinetınıñ Tellärne üsterü bülege häm respublikanıñ Elemtä ministrlığı tellär temasın yaqtırtqan matbuğat çaralarına maxsus grant birü niäte belän çıqqan ide. Alarnı tapşırırğa layıqlılarnı saylap alu öçen ayırım komissiä dä tözelde. Anda respublika xakimiäte, törle ictimaği oyışmalar, Jurnalistlar häm Yazuçılar berlege, Fännär akademiäse wäkilläre eşli. 28nçe yül könne Elemtä ministrlığında älege komissiäneñ utırışı buldı. Anda 2003nçe yılnıñ berençe yartı yıllığına näticälär yasalıp, çirattağı grantnıñ kemgä tapşırılası qaraldı. Bıyılğı bäygedä respublikanıñ 22 matbuğat çarası qatnaşqan. Şular arasınnan 12se aqçalata büläkkä layıq dip tabılğan. Şuşı grantnı alu öçen nindi taläplär quyıla soñ? Bu xaqta Ministrlar Kabinetınıñ Tellärne üsterü bülege baş referentı Aydar Ğimadiev

Bez eş itkän töp dokument – ul respublikanıñ Tellär turında qanunı häm ul qanun quyğan töp taläplär. Şulay uq bez Tellär turındağı däwlät programmasına da nigezlänäbez. Şuña kürä, matbağanı bäyälägändä bez anıñ ni däräcädä Tellär turındağı qanunnıñ maqsatların añlağanın, däwlät programmasınıñ ütäleşen daimi räweştä küzätep barğanın istä totabız. Şulay uq anda dönya kürgän materiallarda ni däräcädä problemanı döres añlaw, analizlaw, uñay häm tiskäre täcribä turında yazğannı tikşeräbez. Älbättä inde, berençe çiratta iğtibarnı bez daimi räweştä, maqsatçan eşläp barğan mäğlümat çarasına biräbez. Maxsus aksiälär, bäygelär, uquçılar belän söyläşülär dä istä totıla.

Älege grant berniçä töp yünäleştä tapşırıla. Alar arasında uqu yortlarında tatar telen predmet bularaq öyrätü problemaların çağıldıru, respublika oyışmalarında ike tellelekne qullanu däräcäse, fän häm texnika ölkäsendä ike tellelekne buldıru kebek yünäleşlär bar. Ciñüçelärgä kilsäk, töp häm östämä aqçalata büläkne Tatar-inform agentlığı, Tatarstan häm Yaña ğasır radioları, Çallı, Leninogorsk, Tübän Kama şähär häm rayon gäcitläre, Söyembikä, Mäğärif, Mäydan, Fän häm texnika jurnalları, Mäğrifät häm Sabantuy gäcitläre alğan.

İsemlektän kürengänçä, bu bäygedä kübräk tatar telle gäcitlär qatnaşqan. Rus telle matbağalarnı, küräseñ, respublikada tel yazmışınnan bigräk başqa närsälär qızıqsındıra. Üzeneñ jurnalistlarğa beldergän teläklärendä Aydar Ğimadiev bu xaqta da äytte.

Bu bäygedä, qızğanıçqa qarşı, bik az rus telle mäğlümat çaraları qatnaştı. Ğariza birüçelär arasında alar nibarı 10-15 protsentı ğına täşkil ittelär. Bu bik ayanıç, çönki bez bit respublikadağı ike däwlät telen dä kütärü yağında. Kiläçäktä alarnı da kübräk cälep itäse ide. Tağın ber teläk - älege problemağa qarağan materiallar daimi räweştä dönya kürsen ide. Bu xäl inde 2002nçe yıl belän çağıştırğanda xäzerge waqıtta äybäträk. Respublika mäğlümat çaraları tellär problemaları turında yazğanda mäs’äläne tiräntenräk öyränep, härdaim şöğellänsennär ide



Gölnaz İlgizär

XS
SM
MD
LG