Accessibility links

якшәмбе, 11 декабрь 2016, Казан вакыты 07:16

Äl-Arabiä häm Äl-Cäzirä telekompaniäläre Saddamnıñ yaña tasmasın yañğırattı: Saddam, ullarınıñ şähit kitüwen äytep, ğiraqlılarnı cihadqa çaqıra...


Sişämbedä beryulı ike ğäräp televideniese Saddam Xösäyenneñ möräcägäte dip sanalğan tasma yañğırattı. Bu tasmada Saddam üzeneñ ulları, Qusay belän Udaynıñ uzğan atnada şähitlärçä ülgäne turında äytä häm başqa ğiraqlılarnı da basıp aluçılarğa qarşı köräşergä çaqıra... Ul arada Ğiraqnıñ 25 keşedän torğan idarä şurası 9 keşedän torğan prezidium sayladı. Şuşı 9 keşe almaşlap, il belän idarä itäçäk dip kötelä...

Sişämbe kiçendä Ğäräp Ämirlekläreneñ Äl-Arabiä häm Qatarnıñ Äl-Cäzirä telekompaniäläre Saddam Xäsäen tawışı yazılğan 10 minutlıq tasma yañğırattı. Anda Saddam, üzeneñ ulları Qusay häm Udaynıñ uzğan atnada şähitlärçä Alla xaqına ülüläre turında xäbär itä. Ägär minem tağın 100 ulım bulsa, min alarnı da şulay uq qorban iter idem, di ul, arığan, ämmä qayğıdan qawşamağan tawışı belän. Saddam äytüençä, Qusay belän Uday Mosul şähärendä amerikan xärbilärenä qarşı 6 sägät batırlarça suğışqan, axır çiktä amerikannar boralaq qullanırğa mäcbür bulğan. Xäläk bulğannar arasında Mostafa iseme dä telgä alına, aınsı – Quasynıñ 14 yäşlek malayı bulırğa tieş. Saddam, yäş ğiraqlılar, anıñ ullarına iärep, cihadqa barırğa äzer digän ışanıç bedlerä. Belgeçlär, bu tawış zur ixtimal belän Saddamnıqı bulırğa tieş di. Xärxäldä ul moñarçı yañğıratılğan 4 tasmağa bik nıq oxşağan.

Ägär bu çınlap ta Saddam tawışı bulsa, kimendä 2 näticä yasap bula. Berençedän, bu - Quasy belän Udaynıñ çınlap ta ülgän bulularına raslaw. Ğiraqlılarnıñ kübese amerikannar kürsätkän fotoräsemnärgä ışanmağan ide. İkençedän, bu tasma Saddamnıñ äle dä isän buluın, häm dä kolaitsiä köçlärenä qarşı opozitsiä qoru ixtimalın kürsätä. Ğiraqlılarnıñ kübese Saddam, ulların iärtep ildän çığıp qaçqan digän fikerdä ide. Şulay itep, xäzer amerikan xärbiläre Saddamnı ezläw eşen ciñ sızğanıp däwam itä ala.

Ul arada sişämbedä Bagdadta 25 keşedän torğan İdarä şurasınıñ utırışı ütte. Ğiraqnıñ töp firqälären wäkillek itkän bu keşelär, küçeş çorında il belän kem idarä itäçäk digän mäsäläne xäl itte. Citäkşe ber bulırğa tieş digän täqdimnär äytelsä dä, axır çiktä şura, 9 keşedän torğan maxsus komitet saylap, räis wazifasın şuşı 9 keşe ber-ber artlı almaşlap başqarırğa tieş digän qararğa kilde. Alarnıñ 5-e şiği möselman, ikese sönni, tağın ikese körd.

Amerikan räsmiläre komitetqa kübräk cirlelär, yağni Saddam çorında Ğiraqta yäşäp qalğan keşelär ütüwen teläde. Ämmä sörgendäge citäkçelär, Saddamnı bärep töşerüdä bezneñ öleşebez zur buldı dip, Bagdadta da, Waşingtonda da qatı eşçänlek alıp bardı, näticädä 9 keşeneñ 8-e – näq menä alar bulıp çıqtı. Berdän-ber cirle keşe, ul da bulsda, Bagdad universitetı professorı Möhsen Abdul Xämid. Aña da, üz urının Milli demokratik partiä citäkçese Nasr Çaderci birde. Xäyer, şuşı citäkçelär tiräsendäge kiñäşçelär äytüwenä qarağanda, xäzer komitetta sörgendägelär häm cirlelär digän büleneş betergä tieş. Kördstannıñ demokratik partiäse wäkile Hoşiär Zäbari äytüençä, bez xäzer barıbız da Ğiraqta yäşibez, şuña kürä barıbız da cirlelär bulırğa tieş.

9 keşeneñ 6-sı zur säyäsi oyışma citäkçeläre, şul isäptän, Milli kongress citäkçese Äxmät Çalabi, annan tış Mäsxüd Barzani, Calal Talabani, Ayat Alaw, İbrahim Cafari, Äbdel Äziz Xakim. Şuranıñ berençe räise itep, şiği möselmannarnıñ Däwa firqäse citäkçese İbrahim Cafari saylandı. Räis bulıp ul ber ay toraçaq, soñnan wazifanı qalğan 8 keşeneñ bersenä tapşıraçaq.

Ali Gilmi, Praga
XS
SM
MD
LG