Accessibility links

сишәмбе, 6 декабрь 2016, Казан вакыты 13:22

Ğiraqta tağın ber amerikan soldatı üterelde


Bağdadtan hawa alanına barğan yulda maşinaları şartlatılu säbäple ber xärbi hälak bulğan, ikese yaralanğan. Bu xaqta Ğiraqtan koalitsiäneñ xärbi citäkçese Richardo Sanchez xäbär itte. Ğiraqnıñ könbatışındağı Anbar wilöyäten kontrol'dä totuçı Amerika ğäskärläre küçmä zenit raketası komplesın üzläre teläp tapşıruçılarğa härber kompleks öçen 500 dollar birergä wäğdä itä. Xärbilär wäkile soldatlarğa höcümnärne buldırmas öçen, wiläyät aqsaqalların bergäläp äş itärgä çaqırdı. Ramadıy häm äl-Faruca şähärläre urnaşqan Anbar wiläyäte xalqı açıqtan-açıq Säddäm Xösäyengä teläktäşlek belderä. Bügen Amerika Britaniä koalitsiäseneñ Ğiraqtağı administratsiäse başlığı Paul Bremer Ğiraqta saylawlar kiläse yılnıñ urtalarında ütärgä mömkin dip belderde. Çärşämbe könne, Ğıyraqnıñ İdarä Şurası räis saylawı xaqında iğlan itte. Bu idaräneñ şığıylar häm sönnilär kergän, 9 keşedän torğan prezidiumı äğzäläre rotatsiä nigezendä, yäğni ay sayın alışınıp idarä itäçäk.

XS
SM
MD
LG