Accessibility links

якшәмбе, 11 декабрь 2016, Казан вакыты 13:13

İzrail törmälärendä fälästinnär baş kütärä


İordan yılğasınıñ könbatış yarında İzrailneñ çik buyı diwarı tözi başlawı, Yaqın Könçığışta tınıçlıq urnaştıru eşlärendä citdi qıyınlıqlar kiterep çığarırğa mömkin dip belderde bügen Quşma Ştatlarnıñ däwlät sekretare Colin Powell.

"Maarif" gazetında basılğan äñgämäsendä ul, diwarnı alğa taba da torğızu, "solıx yulı" dip atalğan tınıçlıq urnaştıru planında qaralğança, bulaçaq fälästin däwläteneñ çiklären bilgeläwne qıyınlaştıraçaq dip assızıqlağan.

Bügen irtän İzrailneñ berniçä törmäsendä utıruçı meñgä yaqın fälästin totqınnarı barısı beryülı açlıq iğlan itte. Bu aksiä pänceşämbe könne Aşkelon törmäsendä fälästin totqınnarı fetnä çığarğannan soñ başlanıp kitkän. Fetnä bastırılğan.

Fälästin xäkimiätläre İzaril törmälärendäge barlıq totqınnarnı da irekkä çığaruğa basım yasawın däwam itä.

XS
SM
MD
LG