Accessibility links

шимбә, 10 декабрь 2016, Казан вакыты 10:09

Udmurtiä belän Tatarstan respublikaları arasında yañartılğan şartnamä nigezendä vedomstvoara kileşülär tözelä


Aprel' ayında Udmurtiä häm Tatarstan Respublikaları arasında yañartılıp imzalanğan şartnamä nigezendä ayırım ministrlıqlar häm predpriätielär dä uzara xezmättäşlek kileşüläre tözep, ike cemxuriät arasında bağlanışlarnı tağın da kiñräk cäyelderune maqsat itep quyıldı. Elege waqiğadan soñ ütkän aylarda ike respublikanıñ zavod, oyışmalar citäkçeläre inde berniçä tapqır oçraşıp, kileşülärneñ ayırım punktların açıqladı. Tieşle dokumentlarnı äzerläw buyınça çirattağı oçraşu bu atnada İjawda bulıp ütte. Tatarstan Respublikasınıñ säwdä häm iqtisadıy bağlanışlar ministrı urınbasarı Rinat Urazaev oçraşunıñ maqsatların bolay bilgeläp ütte. "İnde Udmurtiä predpriätieläre Tatarstanğa neft' çığaru cihazların cibärä, Qazannıñ «Aq bars» bankı Ijawdagı tözeleş firmaların investitsiäli başlağan. Vedomstvoara kileşulär imzalanğaç, alar nigezendä bağlanışlar tağın da nığır, ike respublikanıñ da iqtisatına uñay tä'sir iter dip farazlana".

XS
SM
MD
LG