Rawil Fäyzullin 1943 yılnı Balıq Bistäse rayonınıñ Baltaç awılında tua. Qazan däwlät universitetın tämamlıy, xärbi xezmättä bulıp qayta, aspiranturanı tämamlıy. Yäş kenä kileş tä ul neft’çelär yäşägän Älmät töbägeneñ yazuçılar oyışmasın citäkli. İñ berençe kitaplarınnan alıp bügengelärenä qädär Rawil Fäyzullin icatı zur qızıqsınu häm bäxäslär uyata. 33 yäş tulğan çaqta Tatarstannıñ Ğabdulla Tuqay isemendäge däwlät bülägenä layıq bulğan berdän-ber yazuçı – Rawil Fäyzullin. Möstäqillek alu yıllarında ul xalıq deputatı häm qıyu fikerle şağir, cämäğät eşleklese bularaq tatar milläteneñ yazmışın xäl itügä zur öleş kertä. Soñğı yıllarda ul Qazan utları jurnalın citäkli häm icadi qiblasına xıyänät itmiçä, iñ kiräkle äsärlär icat itä.
4 avgustta, xalıq yazuçısınıñ tuğan könendä, bez Rawil äfände belän söyläştek.
Kemnärder yäşärgä mömkin 80-90 yıl, läkin cämğiätkä ällä ni zur fayda kitermäskä. Kemder 30ğa da citmiçä, äytik Tuqay, Taqtaşlar kebek, nindider yaqtı ez qaldırırğa mömkinnär. Minemçä, keşeneñ xezmät yulı buyınça bilgelänergä tieş ul yubileylar. Min üzemneñ yubileyımnı artqa borılıp qarap, alğa taba eşlär öçen ber cay, säbäp bularaq qına qabul itäm. Minem bügenge xälemä cawap birä torğan şiğri yullarım bar. Töyeremne cirgä quyıp, östenä utırğan çaq. Aldımda kümere töşep, yalqını qaytqan uçaq. Ä üzemä nibarı – öç tapqır 20 çaq
Tatarstannıñ xalıq şağire Rawil kiläçäkkä nindi plannar qora soñ?
Keşe alğa taba xıyallarsız yäşi almıy. Min inde 45 yıllar yazuçı eşendä qaynağaç, kiläçäktä dä şuşı eşemne däwam itärmen dip uylıym. Soñğı yıllarda minem saylanma äsärläremneñ 5 tomlığı dönya kürde. Xäzer menä 10 tomlıqnı çığaru östendä eş bara. Qazan utları jurnalında da eşemne däwam itärmen dip toram. Min anı tatar xalqınıñ töp jurnalı dip sanıym
Rawil Fäyzullin üzeneñ tuğan könen Dekabristlar uramındağı Matbuğat yortınıñ 10 qatında Qazan utları jurnalı redaksiäsendä xezmättäşläre, qälämdäşläre arasında, eş urınında ütkärde.
Gölnaz İlgizär
4 avgustta, xalıq yazuçısınıñ tuğan könendä, bez Rawil äfände belän söyläştek.
Kemnärder yäşärgä mömkin 80-90 yıl, läkin cämğiätkä ällä ni zur fayda kitermäskä. Kemder 30ğa da citmiçä, äytik Tuqay, Taqtaşlar kebek, nindider yaqtı ez qaldırırğa mömkinnär. Minemçä, keşeneñ xezmät yulı buyınça bilgelänergä tieş ul yubileylar. Min üzemneñ yubileyımnı artqa borılıp qarap, alğa taba eşlär öçen ber cay, säbäp bularaq qına qabul itäm. Minem bügenge xälemä cawap birä torğan şiğri yullarım bar. Töyeremne cirgä quyıp, östenä utırğan çaq. Aldımda kümere töşep, yalqını qaytqan uçaq. Ä üzemä nibarı – öç tapqır 20 çaq
Tatarstannıñ xalıq şağire Rawil kiläçäkkä nindi plannar qora soñ?
Keşe alğa taba xıyallarsız yäşi almıy. Min inde 45 yıllar yazuçı eşendä qaynağaç, kiläçäktä dä şuşı eşemne däwam itärmen dip uylıym. Soñğı yıllarda minem saylanma äsärläremneñ 5 tomlığı dönya kürde. Xäzer menä 10 tomlıqnı çığaru östendä eş bara. Qazan utları jurnalında da eşemne däwam itärmen dip toram. Min anı tatar xalqınıñ töp jurnalı dip sanıym
Rawil Fäyzullin üzeneñ tuğan könen Dekabristlar uramındağı Matbuğat yortınıñ 10 qatında Qazan utları jurnalı redaksiäsendä xezmättäşläre, qälämdäşläre arasında, eş urınında ütkärde.
Gölnaz İlgizär
