Accessibility links

пәнҗешәмбе, 8 декабрь 2016, Казан вакыты 21:22

Ğıraqlılar AQŞ köçläre belän kübräk xezmättäşlek itä başladımı?


Xabärlärgä qarağanda monnan 2 atna çaması elek beräü Saddam ulları yäşrengän yortnı AQŞ köçlärenä kürsätkännän soñ , ğıraqlılarnıñ amerikannar belän xezmättäşlege arta bara . Ğıraqlılar okupatsion köçlärneñ ildä toruına riza bula başladımı? Saddam häm anıñ şiklänelgän küpläp üterü qoralları tabılaçaqmı? digän soraularğa törle cawaplar birelä

G.Bush adminsitratsiäse sonğı waqıtlarda S.Xösäinneñ küpläp üterü qoralların tabu turındağı belderülärendä saqlıq kürsätä başladı. Administratsiä bilgele bulğança, ni öçen äle dä qorallar tabılmadı şulayuq Bushnıñ ğıynuar ayında , Britan küzläü idaräse Bagdadtnıñ Afrikada uran satıp alırğa teläwen öyrände dip çığıp äytüennän soñ sorau utı astında tora. Prezident Bush üze dä xäzer Saddamnıñ tabıluı turında bik çikli optimizm kürsätä başladı.İyülneñ 30da perzident Bush (audio) Saddam Xösäinne qayçan qulğa alırbız belmim. Ämma kiçägegä qarağanda bugen yaqınraq torabız dip uymım.Bez anı ezlibez. ğıraqtan alınğan xabärlärgä qarağanda xalıq amerikan köçläre belän kübräk xezmäätşlek itä başlağan.Monıñ in yaxşı misalı, bilgesez beräüneñ 30million dollar aqça alu öçen Saddam ulları yäşrengän yortnı kürsätüe buldı. Äle bu aralarda ğına CİAnıñ qoral mäsälälärendäge kiñäşçese David Kay Saddamnıñ qoral programmasına qatnaşqan belgeçlär amerikannarğa dälillär tabu öçen yardäm itä dip söyläde. Kay atnakiçtä Senatnıñ ike komitetında çığış yasağannan soñ jurnalistlarğa(audio) Küpläp üterü qoralları programamsına qatnaşqan ğıraqlılarnıñ aktiv xezmätäşlege arta bara.Bez ğıraqlılarnıñ bezgä kürsätkän bik näzberek urınnarnı tikşerü belän mäşğülbez.Nıqlı dälillär bar..Ämme bez monıñ çınlap ta ışınıçlı dälil buluın isbatlağançığa qädär anı faş itmiäçäkbez. Şundıy belderülärgä qaramastan ,xäzer xalıqara tınıçlıq öçen Carnegie Endowment Tikşerü Üzägendä eşläwçe qorallarnı cäyeldermäü proyektınıñ urınbasar direktörı John Wolfstahl Radiobızğa birgän ängämädä bälkim dä küp kenä ğıraqlılar Qusay belän Udaynıñ ülemennän soñ Saddam ber qayçan da yañadan il belän idarä itmiäçäk dip uylıy başlağandır.Bälkim alar Ğıraqnı tözekländerü eşenä qatnaşır dip isäpläp bula disä dä, Wolftahl östep bolay dip tä äytä (audio) Ämma şunı da istä totarğa kiräk Bush administratsiäse äytkäneçä anda amerikannarğa irekländerüçe , uñay köçlär dip qaralmıy. Küp kenä ğıraqlılar alarğa dinsez, çit il köçläre , okupantlar dip qarıy. Ayruça Wolfstahl ğıraqlılarn ğädellek ideası könbatışnqınnan nıq ayrıla, anda qabilä xoquqı xökem sörä.Ul İslam ,ğäräb fenomene , yözyıllardan birle anda çınbarlıq bulıp tora,bu amerikannar belän xezmätäşlekkä genä tügel ä barlıq ğailä, sotsail mäsälälärgä qarıy dip söyläp comğa könne WP gazetasında basılıp çıqqan mäqaläne ürnäk itep kiterä. Mäqalädä amerikannar belän xezmättäşlek itkän üz ulın, ikençe ulı belän bergäläp ütergän ğıraqlı ata turında süz bara. Ämma Wolfsatahl äytkännärenä Haritage Foundationnıñ vitse prezidentı Danielle Pletka nıq qarşı çığıp ğıraqlılar yaqın könçığıştağı xalıqlardan nıq ayrıla anda qabilä zakonnarı yuq dip äytä Pletka(audio) ğıraqlılarnıñ qabilä cämğiäte buluı turındağı idea yalğış, alar şähärläşkän xalıq.Alar millät bulıp oyışqan ,minemçä ğıraqlalarnıñ millätçelegenä ähämiät birmäü, bik zur xata bulır ide. Pletka süzlärençä, Saddamğa äle dä turılıqlı ğıraqlılar bar , alar amerikannarnıñ iminlek urnaştıruına qarşı eşli, alarnıñ yuğaltası ber närsä dä yuq , bu keşelär aqrınlap koalitsiä köçläre tarafınnan yuq iteläçäk, qulğa alınaçaq.Älegä Ğıraqta Saddam vä taraftarların tabu awı däwam itä.

färidä xämit, praga
XS
SM
MD
LG