Accessibility links

Кайнар хәбәр

Peterburda ezärleklängän xatınnarğa kürsätelgän yardäm turında


Programmabıznıñ xatın qızlarğa ayrılğan bu öleşendä bez sezgä 10yıldan artıq xalıq ara säxnädä iqtibar cälep itkän xatın qızlarğa qağılışlı säyäsi, sotsial mäsälälär, xaq ,xoquqlar , ğomumän cineştäşlär belän bäyläneşle waqıyğälär turında söyläp kiläbez. 21nçe ğasırda xatın qıznıñ qayber ölkälärdä ireşkän zur uñışlarğa qaramastan, ni qızğanıç ki ul äle dä qayber illärdä ber xoququ da bulmağan qaranğı ğasırlardağı kebek alına ,satıla, faxişälekkä mäcbür itelä, yä dä öylärendä qıynala ezärleklänä.BMOsı xatın qıznıñ öydä köç qullanuğa duçar bulmawı öçen yıllardan birle tırışlıq alıp bara. Fx xatın qıznıñ öydä ezärleklänü mäsäläse Russiä töbäklärendä niçek mikän digän sorau belän xabärçelärebäzgä möräcäğät itte. Bugen Peterburdağı xällär turında

Bez tatarlar xatın qız turında söylägändä anıñ maturlığı , fidaqärlege turında medxiälär cırlarğa, xatın qızlar bäyrämendä çäçäk bäylämnäre , büläklär birüne genä istä totarğa telibez. İsrek yäki aynıq ire tarafınnan qıynalğan , eşlägän aqçası qulınnan tartıp alınğan xatın qızlar turında söyläw küñelsez älbättä, bik küplär bälkim dä kiräksez tema, ,bu här kemneñ şäxsi eşe dip näk Russiä xalqı mentalitetında cawap biräçäklär. Çönki russiedä xalıqnıñ äle dä 43%irneñ xatınıñ qıynauına şäxsi eş dip qarıy,.Russiädä ütkärelgän fiker beleşüdä fikre soralğannarnıñ öçtän ber öleşe qıynalğan(yäğni qorbanğa )ni öçen qıynaluı turında uylarğa kiñäş itkännär. Öydä köç qullanu cinayät tügel ä şäxsi mäsälä digän mönäsäbät Russineñ 1999nçe yılda BMOnıñ xatın qızğa diskriminatsiäne beterü agentlığına birgän xisabında da äytelgän ide. Ämma Russiä öydä xatın qızğa qarşı köç qullanunı inde inqär itä almas xälgä kilde..Ütkän yılda ul BMOğa täqdim itkän xisabında yılına 14meñ xatın qıznıñ öydäge köç qullanu qorbanı buluın tanıdı . Amnesty İnternational problemağa qarşı köräşü öçen berdänber çara cämäğätçelekneñ bu turıdağı mäğlümäten arttıru dip äytä. Russiä mätbuğatında yaz aylarında öydäge köç qullanunı şäxsi eş dip sanaunı xökem itkän küp kenä yazmalar kön kürde, Russiäneñ bu problema belän köräşü öçen kürgän çaralarınıñ könbatıştan nıq artta buluı qabat qabat äytelde. Xökümättän bäysez oyışmalar bu ölkädä tırışlıq alıp bara. Ämma Russiädä öydäge köç qullanunı cinayät dip sanağan qanun yuq. Yuğarıda äytelgäneçä Azatlıq Radiosı bu mäsäläne üzeneñ törle töbäklärdäge xabärçeläre aşa öyränep , sez xörmätle tıñlauçılarıbzğa işetterergä buldı. Bugen bez sezgä San peterburdağı xällär turında söylärgä buldıq. Russiädä berençe bulıp 1996nçe yılda Peterburda ezärleklängän xatın qızlar öçen krizis üzäge eşli başladı. Peterburdağı xabärçebez Fäizräxmän Qamalovnı-ñ üzäk citäkçese Marina Anatolivna belän ütkärgän ängämäne sezneñ iqtibarğa täğdim itäbez.

Çit illärneñ törle fondları tarafınnan finansiälängän 1998-nçe yılda terkälgän Aleksandra Krizis Üzägendä küptän tügel genä Britaniä şäxzadäse Charles bulıp kitte. xaberçebez Fäyzräxmän Qamalov üzäkneñ yuridik bülege başlığı Elena Nikolayevnağa bu turıda qayber soraular birde. (audio)

San Peterburda eşläp kilgän Aqqalfaq xatın qızlar oyışmasınıñ citäkçese Rosa Guççina millättäşlärebez belän yaqın elemtädä tora, alarğa yardäm kürsätep kilä. Fäyzräxmän aña qayber soraular birde (audio)

Yaña tikşerülär,öydäge köç qullanuda yuğaltuçınıñ xatın buluın kürsätsä dä, ir atnıñ da yaralanğan cärähätlängän, öydän quulğan xällär buluın kürsätä.Peterburda yäşäwçe ber xanım üzen ber dä qıynatırğa cıyınmıy. (audio)

Kiläse tapşıruda Russiäneñ başqa ber töbägendäge xällärgä tuqtalırbız.

färidä xämid, praga
XS
SM
MD
LG