Accessibility links

шимбә, 3 декабрь 2016, Казан вакыты 01:23

Babasınıñ söyäklären sızlatqan onıq - Xömäyni onığı Amerikağa qarşı tügel


İranda İslam inqilabınıñ citäkçese Ayatolla Ruholla Homeinineñ onığı Sayid Xösäin Homeini bu arada birgän ängämälär belän küplärne şaqqattıra..Babası inqilapnı amarikannarğa höcüm platformasında oyıştırsa, Amerikanı ''zur iblis'' dip atasa , onıqı din belän däwlät eşläre berbersennän ayrılırğa, AQŞ konstitutsiäse ürnäk itep alınırğa tieş dip söyli.

Böten töbäkne teträtkän İran islam inqilabınıñ citäkçese Ayatolla Hömäininıñ onıqları ber dä babaları kebek uylamıy. Onıçqası äle berniçä ay elek kenä çit il jurnalistına inqilapnıñ köçläp taqqan qara çadra häm şäriğat qanunnarı turında zarlanıp söylägän, babasınıñ aña sin xatın qız kiläçäktä balalar üsteräçäksen,waqıtın bulmayaçaq, xälbuki sänğät fälsäfä kebek eşlär belän böten ğämer mäşğül bulırğa kiräk dip anıñ uquın tuqtatuına şikäyät itkän ide. Hömäininıñ ikençe onığı Säyed Xäsäin Homeini bu aralarda Bagdadta ber ruxaninın qunağı.46yäşlek Hömäini düşämbedä Niederland gazetası Handelsblad häm Londonda çığa torğan Al Sharq Al awsat köndälegendä basılıp çıqqan ängämälärendä İranda dinne xalıqqa basım çarası itep qullanmağan yaña demokratik rejim urnaşırğa tieş dip äytkän.İran xabär agentlığ İRNA da Hömäinneñ onığı iranlılarnı älege rejimğa başkütärergä çaqırdı dip belderde. Tehranda Ayatola ofisı , onıqnıñ äytkännäre yalğış täfsillände ul rejimnı bärep töşerergä kiräk dip äytmäde, Säyed Xösäin babasınıñ fiker ireklege turındağı qaraşları ğämälgä quyılırğa tieş dip kenä äytte digän onıqnı yaqlağan belderü yasadı. Säyäd Xösäin Hömäini NYT, Boston Globe kebek amerikan gazetalarına birgän ängämälärendä dä şaqqatırlıq fikerlär beyan itte: ägär dä ber ğıraqlı şığı, islam däwläte turında söyli ikän, ul İrannıñ finansiälägän yäki İran revolutsiäseneñ uñışsızğın añlamağan, täcribäsez keşe bulırğa tieş. Hömäini iranlılar ireklek sorıy , ämma anıñ qaydan kiläçägen belmi , anı xalıq başqarsa, bik xup, ul çittän kilsä , bigräk tä anı AQŞ kitersä,xalıq qabul itäçäk ,min iranlı bularaq qabul itäçäkmem dip söyli revolutsiä citäkçeseneñ onığı.Şulay babanıñ ''zur iblis''dip tasvirlağan , Tehranda AQŞ ilçelegendäge xezmätkärlärne 444kön totıq itep totqan islam rejimı belän Waşington mönäsäbätläre ber dä yaxşırmadı, 8yıl däwam itkän İran-İraq suğışında Waşington Saddamnı yaqlağan ide. Sonğı waqıtlarda Bush administratsiäse İrannı röxsätsez atom qoralları eşläwdä ğäyepläp kilä häm Tehranda rejim üzgärüen xuplar ide digän işarälär cibärä.Höminineñ onığı tağı mondıy qızıqlı fikerlär äytte :İranda dinne ezärlekläü çarası itep qullanuğa qarşı buluçı küp kenä ruxani bar. Alar Ğıraqta köç qullanu tuqtalğaç Ğıraqtağı izge urınnarğa küçep utırırğa telär ide. Şığı ruxanilärneñ cıyılğan, fiker alışqan urın Hawza dip atala. Hämäini ägär dä Ğıraqta tınıçlıq urnaşsa İrandağı izge şähär Qomdağı hawza Ğıraqta Nacafqa küçer ide dip söyli. Xömäinineñ din belän däwlät eşläre ayrılırğa tieş dip äytüe Bagdadtağı vaqıtlı administratsiäneñ iqtibarın cälep itte. Xabärlärgä qarağanda törle räsmilär Hämäini belän küreşkän. Yäş Hämäinigä iärüçelär küp tügel, ämma Ğıraq xalqınıñ 60%ın täşkil itkän şiğıylar anıñ babasına bik zur xörmät belän qarıy.Ğıraqta radikal şığıy citäkçese Moqtada al Sadr AQŞqa nıq qarşılıq kürsätä häm Ğıraqta İrandağı kebek ruxanilär rejimın oyışıtırırğa çaqıra. Hömäini mondıy fikerlärneñ İrannıñ ruxi citäkçese Ayatolal Ali Xamenäy tarafınnan cäyelderelüe mömkin di.Ul yaña ğına irekkä qawışqan şığılarnıñ islamçı däwlät teläwlären añlıym, ämma alar İrandağı islam revolutsiäseneñ xataların kürergä añlarğa tieş , şax waqıtında iranlılar ireklekkä omtıldı , bu inqilap öçen nigez ide , ämma xalıq telägän ireklekne alalmadı dip äytkän NYT jurnalistına . Yäş Hömäini Bagdadtta qatı saq astında tora . Anıñ äytüenä qarağanda İran anı ütertü öçen kürsätmä birgän.. üzeneñ säyäsi ambitsiälären açıqlamasa da , İranda ireklek urnaşuı öçen tırışırğa telim , üzem häm balalarım öçen ireklek telim dip söylägän Hömäininıñ onığı Säyed Hömäini

färidä xämit, praga
XS
SM
MD
LG