Accessibility links

пәнҗешәмбе, 8 декабрь 2016, Казан вакыты 03:06

Rusiä Üzbäkstan belän xezmättäşlegen nığıtırğa cıyına


Rusiä prezidentı Vladimir Putin Üzbäkstan belän iqtisad ölkäsendä nığraq xezmättäşlek itergä çaqırdı. Bügen Samarkand qalasında ul Üzbäk prezidentı İslam Kärimov belän söyläşülär alıp bardı. Soñğı 10 yıl eçendä Üzbäkstannıñ tışqı säwdäsendä Rusiäneñ küläme 25 protsenttan 16-ğa töşkän. Putin monı "borçılu öçen nigez" dip atadı. Karimov, Rusiäneñ, Üzäk Aziädä möxim urın alıp toruwına, basım yasadı.

Quşma Ştatlar, Äfğanstandağı xärbi operatsiä waqıtında, Üzbäkstanda üz ğäskärlären urnaştırğannan soñ, Mäskäw belän Taşkent arasında mönäsäbätlär kierenekelängän ide. Monnan tış Taşkent Quşma Ştatlarnıñ Ğiraq suğışın xupladı, Mäskäw qarşı çıqqan ide.

Putin Üzbäkstanda Malayziädän kilde. Anda ul Malayziägä 18 xärbi oçqıç satu turında, 900 million dollarlıq kileşügä qul quydı.

XS
SM
MD
LG