Accessibility links

җомга, 9 декабрь 2016, Казан вакыты 14:37

Bağdadta İordaniä ilçelege şartlatılğan


Bügen Bağdadta İordaniä ilçelege yanında şartlaw näticäsendä kimendä 11 keşe hälaq bulğan. Mäğlümätlärgä qarağanda ilçelek binası yanında maşina şartlatılğan bulırğa tieş. Bu teraktnıñ närsägä bäyle buluı älegä açıqlanmağan. Uzğan atnada İordaniä Säddäm Xösäyenneñ ike qızına säyäsi sıyınu birgän ide.

Uzğan tönne Tikrit şähäre tiräsendä koalitsiä gäskärlärenä höcümnärdä şiklänelgän berniçä keşe qulğa alınğan. Qulğa alınğannar arasında elekke ike general da bar. Alardan soraw alalar, şulay uq, Säddäm Xösäyenneñ qaçıp yatqan urını turında da beleşergä tırışalar. Xärbilär mäğlümätenä qarağanda, elekke diktator här öç-dürt säğät sayın torğan ciren alıştıra. Yärdämne aña tarafdarları kürsätä dip farazlana.

XS
SM
MD
LG