Bügen Çeçnyäda Alxan Yort awılınıñ 200 keşese Kavkaz federal yulın qaplağan. Alar şulay itep Rusiä xärbiläreneñ başqarğan ğämällärenä qarşılıq belderä. Bu aqsiädä qatnaşuçılar Alxan Kalada ütkän çistartular waqıtında Rusiä xärbiläre ike yortnı ut törtep yandırdılar dip xäbär itä. Yanğın waqıtında öç keşe peşülär alğan, alar arasında ike yäşlek bala da bar. Bügen Çeçnyäda Vedeno rayonı tiräsendä xärbi maşinalar kolonnasına höcüm yasalğan. Radiobız xäbärçese mäğlümätlärenä qarağanda öç xärbi hälaq bulğan, dürtese yaralanğan.
