Accessibility links

якшәмбе, 11 декабрь 2016, Казан вакыты 14:47

NYT: Bush administratsiäsenä quyılğan ğäyepläülär turında


Wäkillär Palatası Xökümät Reformaları Komitetınıñ demokrat äğzalar äzerlägän xisapqa qarağanda, Bush administratsiäse üz ideologiäsenä xezmät itü häm taraftarlarınıñ mänfäğätlären yaqlau öçen fänni datalarnı manipulatsiäle dip däğwä itä. NYT gazetasında şul turıda basılıp çıqqan mäqalä

NYT gazetası yazuınça, Wäkillär Palatası Xökümät Reformaları Komitetında demokrat kongressmen Henry Waxman öçen äzerlängän 40säxifälek xisapta administratsiä azıq-tölek, meditsina , sälämätlek tikşerenüläre , çirlärne kontrol häm äylänä-tiräne saqlauçı fädäral oyışmalarnıñ birgän mäğlümätne bozıp kürsätüdä ğäyeplänä.Xisapta Administratsiä küp kenä mäsälälärdä şulsanda Global cılınu häm cinese tärbiädä fänni protsessnı manipulatsiäläde häm fänni açışlarnı bozıp yäki kimetep kürsätte dip äytelä.Dokumentta ,administratsiäneñ fängä säyäsi tıqşınuı ,prezidentnıñ yalğış belderülärenä, Kongressqa birelgän xatalı cawaplarğa ,internet säxifäläreneñ üzgärtelüe agentlıq xisaplarınıñ kimetelep kürsätelüe häm belgeçlärneñ awızlarınıñ tomalanuına kiterde dielgän. Aqyort süzçese Scott McClellan bu xisabnı kire qağıp, Anıñ ximäyäçäse tämäkä industrieäsenä yasağan agressiv höcümnäre belän tanılğan Henry Waxman säyäsi kapital ezli dip äytte. McClellan bu administratsiä faktlarğa qarıy, Amerika xalqı öçen in yaxşı fänni tikşerülärgä nigezlängän näticälärgä qarıy. Fänne säyäsät öçen qullanğan ber genä keşe bar ul da kongressmen Waxman , anıñ xisabı xatalar , yalğışlar belän tulğan dip söyläde. Xisab 21neñ qayber öleşläre mätbuğatta basılıp çıqtı inde.Alar arasında Tabiğıy möhitnı saqlau agentlığınıñ ütkän yılda tirä yünne saqlau turındağı kiñ xisabınnan global cılınu turındağı öleşne töşerep qaldıru qararı da bar. Xisabnıñ aftorları , federal agentlıqlar törle yullar belän fänni çınbarlıqnı qurqınıç astında qaldırdı dip äytä. Misal öçen fänni kiñäş komitetları kvalifikatsiäsez räsmilär yäki şirkätlärneñ mänfäğätlärenä zarar kiterä alaçaq açışlarnıñ näşer itelüen tuqtatqan, häm bäxäsle qararlarnı yaqlauçı industriä wäkilläre belän tutırıldı.Avıl xucalığı ministırlığı industriägä tiskäre täsir yasıy alaçaq mäğlümätne basıp çığarmasınnnar öçen xökümät belgeçlärenä qırıs kontrol quydı dip äytelä xisapta. Anda mikro biolog James Zahn waqıyğäse ürnäk itep kiterelä. Zahnğa Midwestte dunğız fermaları yanında antibiotikqqa bireşmäüçe bakteriäneñ qurqınıçı turındağı fänni açışların bastırıp çığarunı tıyğannar . Xisapta tağı mondıy mäsälä dä telgä alınğan, Arktikada Tabiğıy tıyulıqta neft ezläü turında kongressqa yalğış mäğlümät birelde dip äytelä ,Arktikada neft ezläüne nıq yaqlauçı Gale Norton , üz agentlığınıñ tikşerülären kongressta üzgärtep söyläde ul arktikada neft ezläü, boralaular anda yäşäwçe bolannarğa täsir itmiäçäk,çönki xäyvannar ul zonadan çittä yäşi dip belderde. Agentlıq ğalimnäre isä çınbarlıq näk kiresençä dip äytte .

färidä xämit, praga
XS
SM
MD
LG