Accessibility links

Кайнар хәбәр

Çeçnädä yaña qaza


Kiçä Çeçnädä Mİ 8 boralağı qazası xaqında Rusiäneñ Saqlanu ministrlığı räsmiläre törle farazlar belderä. Ul qazada ekipaj citäkçese häm ike oçuçı hälak bulğan. Rusiäneñ xärbi hawa köçläre citäkçese Vladimir Mixaylov bügen, boralaq cirdän zenit raketası belän bärep töşerelgän dip belderde.

Berläşkän törkem başlığı urınbasarı Nikolay Berzeytes, boralaq kisken hawa dulqınına elägep, üzenän üze cirgä töşkän dip raslıy. Anıñ süzlärenä qarağanda, boralaq cirdän köçle höcümgä tarığan digän belderülär, çeçen suğışçılarınıñ aktivlığın kürsätergä tırışqan närsä genä. Berzeytis ul farazlarnıñ tarafdarı kem bulğanın açıqlamadı.

İnguşetiädä häm Çeçnädä Rusiäneñ xärbi maşinalar kolonnasına höcüm yasağan çeçen suğışçıları törkemen ezläw däwam itä. Çeçnäneñ federäl çigenä yünälgän maşinalarğa pänceşämbe kiç belän granatamet häm pulemetlardan ut açılğan. 6 xärbi hälak bulğan, 7-äw yaralanğan.
XS
SM
MD
LG