Accessibility links

җомга, 9 декабрь 2016, Казан вакыты 10:39

Ğiraqta tağın 4 amerikan xärbie yaralanğan


Bügen Ğiraqta amerikan xärbilärenä bulğan xöcümnär näticäsendä kimendä 4 amerikan xärbie yaralanğan. Quşma Ştatlarnıñ 4-nçe cir öste diviziäse wäkile Bill McDonald äytüençä, Kirkuk şähäre yanında, amerikan patrulenä granatomettan ut açılğan. Näticädä 2 xärbi yaralanğan. Amerikan xärbiläre cawap utı açıp 2 Ğiraqlını yaralağan. Bagdadta, ber amerikan maşinasına yasalğan xöcüm näticäsendä tağın 2 xärbi yaralanğan.

Falluca şähärendä amerikan xärbiläre Baath partiäse köçläreneñ elekke cirle citäkçese, Şaaban Canabi'ne qulğa alğan. Basra şähärendä benzin betü säbäple tärtipsezleklär başlandı. Tärtip urnaştıru öçen anda östämä Britan xärbiläre kiterelde.

Atnakiç könne İordan ilçelege yanında bulğan şartlawnı tikşerü öçen Quşma Ştatlar Bagdadqa FBİ belgeçlären cibärä. Ul şartlaw näticäsendä 19 Ğiraqlı xäläk buldı, 50-se yaralanğan ide. Älegä bu ğämäl öçen cawaplılıqnı berkem dä üz östenä almadı.

XS
SM
MD
LG