Yapon premier-ministrı Juniçiro Koizumi, minem il berqayçan da atom qoralı citeştermiäçäk dip belderde. Bu süzlären ul bügen Nagasaki şähärendä, atom bombası taşlanuğa 58 yıl tulu uñayınnan ütkän çarada äytte. 1945-neñ 9 avgustında Quşma Ştatlar Nagasaki'ğa atom bombası taşlağan ide. Näticädä beryulı 74 meñ keşe xäläk buldı. Yapon räsmiläre äytüençä, nurlanış arqasında awırıp ülüçelärne quşıp sanağanda, qorbannar sanı 130 meñgä citkän. Bomba taşlanıp 6 kön ütügä, Yaponiä birelergä mäcbür buldı.
