Accessibility links

шимбә, 10 декабрь 2016, Казан вакыты 09:54

Tözüçelär köne niçek ütte?


Tatarstan beryulı ike bäyrämne tınıç qına ütkärep cibärde. Rusiä tözüçeläre dip atalğan bäyrämne 60 yıl elek SSSR digän däwlät bilgelägän. Üzbäkstan yäki Ukraina tözüçeläre bu könne tür başında utırğanmı-yuqmı, anısı bezgä qarañğı. Ä menä Rusiä tözüçeläre üz ğädätlären üzgärtmäde. Beläsezme, Rusiädä iñ äybät tözüçelär qayda yäşi? Döres sizgänsez, Tatarstanda. Çönki Rusiäneñ Госстрой dip atalğan tözeleş komitetı räise Nikolay Koşman hönäri bäyrämne ütkärergä Qazanğa kilde. İñ zatlı şäxeslär häm iñ zur bäyrämnär öçen genä işek açıla torğan “Piramida” zalında tözüçelär utırdı. Nikolay Koşman Tatarstan tözüçelärneñ qazanışların maqtadı häm tormışnı matur itep qoruçı, “Созидатель” digän maxsus büläkne Tatarstan prezidentı Mintimer Şäymievkä tapşırdı. Muyınğa elenä torğan maxsus kömeş muyınsa häm iñbaşlarğa yaba torğan zäñgär töstäge äkämät ber kiemne qabul itkännän soñ Mintimer Şäymiev mondıy büläkne bezneñ barlıq tözüçelärgä dä birergä mömkin, dip äytte. Yäğni, Tatarstan prezidentı yuğarı bäyäne üzenä tügel, ä respublikanıñ tözüçelärenä birelgänen tanıdı. Nikolay Koşman “Piramida” tamaşalar zalınıñ binasın Rusiä däwlät bülägenä täqdim itsälär, tözeleş komitetı bu täqdimne xuplayaçaq. Qısqası, Tatarstan tuzğan toraq programması häm “Piramida”sı belän Rusiägä ürnäk kürsätkän

XS
SM
MD
LG