Accessibility links

сишәмбе, 6 декабрь 2016, Казан вакыты 23:01

Ğıraqlılar ilne tözekländerü eşläre aqrın bara dip şiqäyät itä


Ğıraqta amerikan soldatlarına höcümnär däwam itä. Älegäçä çağıştırmaça tınıç bulğan könyaq Ğıraqta atna azağında ayrım alğanda Basrada yözlärçä keşe elektr, yağulıq qıtlığına protest belderde, taşlar ırğıttı, britan ğäskäriläre havağa ut açırğa mäcbür qaldı . 3 keşe häläk buldı. Suğıştan soñ Ğıraqnı tözekländerü eşläre bik aqırın bara.Xalıqnıñ sabır qazanı taşıy başladı.

Başqala Bagdad anıñ tönyaq häm könbatışındağı urınnarda amerikan ğäskäriläre här kön diärlek höcümnärgä duçar bulğanda,şığılar küpçelektä bulğan ilneñ könyağında vazğiät çağıştırmaça tınıç ide.Ämma august başınnan birle könyaqta britannarğa qarata da höcümnär bulğalıy başladı. Atna azağında Basrada elektr häm yağulıqqa bulğan qıtlıq açulı demonstratsiälärgä säbäp buldı(audio) Basrada xalıq 50däräcägä citkän esselektä maşinaları belän benzinkalar aldında ber niçä kilometrğa suzılğan çiratlarda 24 säğättän artıq tora Basrada qara bazarda benzin räsmi bäyädän 50märtäbä artığraq .Bagdadta 10märtäbä yuğarıraq.Basrada yağulıq citeşmäwe xastäxälärdä elektr kiselüenä säbäp bula .Bu isä andağı xästälärne qurqınıç astında qaldıra.Generatorlar eşlämi , salqında torırğa tieşle darular bozıla . BMOsı räsmiläre bu qış Ğıraqta öylärne cılıtqan kerosinğa zur qıtlıq bulaçaq dip faraz itä. İl külämendä bulğan krizis çit ildän yağulıq importı , şulayuq neft eşkärtüne arttıru belän dä xäl qılına almayaçaq dip qarala. Neft eşkärtü qorılmasın tämin itkän elektr çıbıqların kisü , sabotajlar xällärne tağı da qıyınlaştıra. BMOsı Ğıraqnıñ 3 zur neft eşkärtü qorılması könenä 18 belän 22 million litr benzin, kerosin häm dizel yağulığı çığara dip farazlıy.Köndälek ixtiaç isä 37 belän 40million litr arasında .Britan räsmiläre kontrabanda wazğiätne tağı da naçarlandıra dip äytä. Tankerlar belän yäşeren räweştä ildän yağulıq çığarıla. Bu atna azağında in kimendä ber meñ yöz tonna dizel yöklängän korap tuqtatıldı.Panamada terkälgän, Navstar ismle korapnıñ ekipajı ukrainnar bulğan. Alar qulğa alındı häm Umm Qasrğa cibärelde. BMOsı ayruça Basrada eşkärtelgän dizelneñ zur öleşeneñ tönyaqqa Bagdad häm tiräsenä cibärelüe dä problemanı kiskennäşterä dip belderä. Okupatsion köçlär elektr häm yağulıqnı böten ilgä taratırğa tırışabız dip söyli.Räsmilär xärbi köçlärneñ täminatınıñ ber öleşen şulayuq, kontrabandaçılardan konfiskatsiälängän 25mllion liter yagulıqnı Basrağa cibärä.Yağulıq mäsäläse sivil administrator Paul Bremerneñ irtänge cıyılışlarında töp tema bulıp tora BMOsına qarağanda cäyen Ğıraqta könenä 6million litr kerosinğa ixtiaç bulsa, qışnıñ salqın könnärendä köndälek ixtiaç 30million litrdan da artıq bulaçaq.Bu taläpkä cawap birü öçen 3 ay eçendä Ğıraq 500million litr kerosinnı hästärlergä tieş. Zapas cıştıru artta qalğan , älege waqıtta dizelgä ixtiaç şundıy zur ki , bu bälkim qışqı istiğmal öçen kerosin äzerläüne tuqtataçaq.Berdän ber çara importnı arttıru bulaçaq. Atna azağında Basrada demonstratsiä ütkärgän xalıq Bagdad yäki ilneñ tönyağındağı başqa şähärlärendä bulğan kebek okupatsion köçlärgä qarşılq kürsätü yäki politik motivlardan çığıp protest beldermäde . protest belderüçelär jurnalistlarğa bez Saddamnı yaqlauçılar tügel, ğadi ğıraq keşeläre , yağulıq elektr häm başqa kiräkle närsälärneñ bulmawına ğına protest belderäbez dip äytkän. Xalıq koalitsiä köçläre ilneñ ekonomikasın canladıru turında birgän wäğdälären ütämi digän qaraşta AQŞ räsmiläre qıyın şartlarda progress yasauların belderep kilä. Ğıraqta iminlekneñ urnaşmawınnan cinayätçe törkemnär faydalana . Yözlärçä kilometr ozınlıqtağı neft torbaların koalitsiä köçläre kontrol itä almıy. Tişelgän torbalardan suuırıp alınğan neft tankerlarğa tutırıla , alar çül aşa Kuweit häm Yordaniägä alıp barılıp satıla. Bu ay başlarında AQŞ xakimiätläre Ğıraq –Yordaniä çigendä 100 yagulıq tankere häm 150keşene qulğa aluların belderde .Älegä neftkä yözgän , dönyanıñ in zur neft rezervalarına iä illärdän berse dip sanalğan Ğıraqta benzin, kerosin dizelgä bik zur qıtlıq bar.

färidä xämit, praga
XS
SM
MD
LG