Accessibility links

җомга, 9 декабрь 2016, Казан вакыты 22:22

Tahranda “Böyek İdel yulı” konferensiäse tämamlandı...


Bik zur turistik köymägä utırıp, Tahranğa baruçılar da dönyanı şaqqatırdı. Döres, alarnıñ ürnägen qabatlawçılar tabılmas. Böyek İdel yulı konferensiäse İran Respublikasınıñ başqalası Tahran şähärendä üz eşen tämamladı. “Qazan” yılğa diñgez teploxodına utırıp kilgän ğalimnär häm säyäsätçelär İrannıñ Enceli portında avtobuslarğa utırıp, Tahranğa bardılar, anda İran häm Tatarstan tovarlarınıñ kürgäzmäse açıldı. Konferensiädä Vladimir Putin, Mintimer Şäymiev, Koffi Annan, Koutiro Matsuurolarnıñ bu çaralarda qatnaşuçılarğa möräcäğätläre uqıldı. Qazan şähäre başlığı Kamil İsxakov, Tahran şähäre başlığı Äxmädi Näcät, Rusiäneñ tışqı eşlär ministrınıñ urınbasarı Viktor Kolyujnıy häm başqalar konferensiäneñ plenar utırışında çığış yasadılar. Böyek İdel yulında qatnaşuçılar İran belän Rusiä arasında iqtisadi xezmättäşlekkä häm ğomumän İdel buyında urnaşqan şähärlärneñ üzara eş yörtüe öçen tağı da yaxşıraq şartlar tudırılaçaq. Şunnan soñ “Qazan” köymäse Ästerxanğa taba yulğa çıqtı, ä ekspeditsiä citäkçeläre İsfaxan şähärendä oçqıçqa utırıp, Qazanğa qayttı.

Kamil İsxakov belän bergä şuşı säfärgä barğan Tatar kongressı citäkçese Rinat Zakirov sişämbe könne yaña säfärgä çığa. Premyer-ministr Röstäm Miñnexanov, şirkät direktorları belän bergä ul Üzbäkstanğa räsmi eş säfärenä kitä. Dimäk, Üzbäkstan tatarlarınıñ mäs’äläläre dä bu atnada räsmi däräcädä tikşereläçäk.

XS
SM
MD
LG