Accessibility links

пәнҗешәмбе, 8 декабрь 2016, Казан вакыты 13:05

Kem Çallı xakimiäte başlığı bulaçaq?


Räşit Xämädiev wafat bulğannan soñ Çallı şähäre başlığı itep kemneñ quyuı mömkinlege iñ qızıq sorawlarnıñ berse. Monda öç variant bulırğa mömkin. Berençese - Tübän Kama, Bögelmä, Alabuğa kebek şähär başlıqlarınıñ bersen Çallığa küçerü. İkençese – Çallı xakimiät dairälärendä eşlägän yäki elek eşläp kitkän çinovniklar, deputatlarnıñ bersen bilgeläw. Öçençese – xäzergä Tatarstan külämendä artıq bilgele bulmağan, ämma Çallıdağı wäzğıätne yaxşı belgän häm tä'sirle iqtisatçılar wäkilen saylap alu. Qayber farazlarğa qarağanda, Çallı xakimiäte başlığı itep öçençe variant wäkile bilgelänergä mömkin. KamAZnıñ general' direktorı urınbasarı, yäş buın tatar menedjerın Çallı başlığı itep quyu turında qarar yaqın arada çığarğa tieş.

Ni disäñ dä, bu könnärdä iqtisadi, säyäsi waqiğalar küp tügel. Qazannıñ Gorkiy isemendäge Yal parkı qarşındağı mitinglar, cıyılışlar ütä torğan mäydanda düşämbe könne keşelär küp buldı. Älämnär, şarlar, transparantlar häm säxnädän yañğırağan tantanalı awazlar berük fikerne çağıldıra. “Blend-a-med – здоровая страна”. Teş pastası çığara torğan firma xalıqnıñ sälämätlege turında qayğırta. Monda kilüçelär çirat torıp üzläreneñ teşlären tabipqa kürsätälär, kiñäşlär alalar. Buşlay teş pastası, şçetka häm mäğlüm şiğar yazılğan şarlar taratuçı bu ekspeditsiä bik zur maxsus yök maşinasınnan häm avtobustan tora. Ul Seberlärgä barıp, ilneñ sälämätlege turında qayğırta. “Blend-a- med” firması üz produktsiäsenä reklama yasıy belä. Häm başqalarğa da ürnäk kürsätä. “Единая Россия”, “Русь'”, “Народная партия” firqäläre qayber sıra, şampun' firmaları da keşelärne küñelenä ütep kerä. Berkem aptıramıy, tatar milläte yäki milli mädäniätlär, tuğan tellär äxlaq, tärbiä yäş buınğa menä şulay uq ütep kersen öçen mäğlümat häm reklama çaraları nişläp ütkärelmi ikän? Şulay şul, milli mädäniät Winston yäki Camel tämäkese tügel. Milli ruxi qimmätlärne zamança formada taratuçılar siräk oçrıy. Şunlıqtan cayı kilgändä, “Azatlıq”nıñ Qazan byurosı da ber reklama aksiäse ütkärä. Läylä Däülätova cırlarınnan torğan yaña lazer tälinkä çıqqan. “Sayramağan sanduğaç” dip atalğan bu tälinkägä kergän barlıq cırlarnıñ şiğerlärneñ Läylä Däülätova yazğan. Ä Räis Xannanov köyenä Xäniä Färxi cırlağan “Böten dönya tatarları” cırı barı ber genä tapqır xalıqqa çıqqan ide. Ul da bulsa, “Azatlıq” radiosınıñ yubileena bağışlanğan “Yıraqtağı yaqın tawış” kassetasında.

Rimzil Wäli. Qazan

XS
SM
MD
LG