Accessibility links

Кайнар хәбәр

İslamabad Hindstan belän problemalarnı diplomatiä aşa çişärgä teli


Paqstan prezidentı Pärwäz Möşärräf Paqstan belän Hindstan arasındağı barlıq problemalarnı, şul isäptän Kaşmir nizağın da diplomatiä aşa çişärgä çaqırdı: AUDİO: Paqstan Hindstan belän Paqstan arasındağı barlıq bäxäsle mäs'älälärgä söyläşülär aşa çişeleş tabu, tınıçlıq yulınnan baru öçen mömkin bulğannıñ barısın da eşliäçäk, barlıq bäxäsle mäs'älälär digändä Kaşmir da çittä qalmıy. Möşärräf İslamabadta çığış yasap Könyaq Aziä Regional Xezmättäşlek Oyışmasın Paqstan belän Hidstan arasında tınıçlıq urnaştıruda yardäm itärgä çaqırdı. Bu oyışmağa Bangladış, Butan , Hindstan, Maldiv, Nepal, Paqstan häm Sri Lanka kerä. Yäkşämbe könne Hindstan premyer-ministrı Atal Behari Vajpayee Paqstan belän Hinstan arasında distälärçä yıl barğan qan qoyunı tuqtatırğa çaqırdı.
XS
SM
MD
LG