Accessibility links

җомга, 9 декабрь 2016, Казан вакыты 12:44

Liberiä prezidentı Charles Taylor xakimiätne urınbasarı Moses Blahğa tapşırdı


Blah prezident atnı qabul itte. Gana prezidentı John Kufuor Blah küçeş çorı xökümäten üktäbergä qädär citäkliäçäk dide. 2 üktäberdä Liberiädä ilküläm saylawlar ütärgä tieş. Kufuor xakimiätne tapşıru Liberiädä watandaşlar suğışı tämamlanunı añlata dip äytte:

AUDİO: Prezidentlıqnıñ Taylordan vitse prezidentqa küçüe möhim waqıyğa. Bu tantana Liberiädä ber çornıñ tämamlanuın bilgeli. Bez bügennän Liberiädä suğış tämamlanır dip ömetlänäbez .

Bu çara waqıtında iminlek saqlaw öçen prezident utırmasın Nigeriä häm Könyaq Afrika ğäskärläre çolğap aldı. Taylor AQŞ basımı astında xakimiättän kitärgä mäcbür buluın belderde häm üzen qorban täkäse itep kürsätte. Waşington Liberiädä watandaşlar suğışın tuqtatu öçen qat-qat Taylornı Liberiädän kitärgä çaqırğan ide. Kürşe Sierra Leoneda urnaşqan BMO mäxkamäse Taylornı suğış cinayätläre öçen xökem itärgä teli. Taylor Nigeriägä sıyınır dip kötelä.

XS
SM
MD
LG