Accessibility links

Кайнар хәбәр

Ğiraqtağı AQŞ ğäskärläre Säddam Xösäyen tarafdarların tabıp qulğa alu yäki üterü öçen yaña operatsiä başladı


AQŞ polkovnigı Wiliam MacDonald çittäräk urnaşqan şähärlärdä koalitsiä köçlärenä höcümnär äzerlärgä mömkin elekke xakimiät tarafdarları qulğa alınaçaq dide. Yäkşämbe könne Bağdadtan tönyaq-könçığıştağı Baquba şähärendä öydä yasalğan bombanıñ politsiä stansiäsendä şartlawı näticäsendä ber amerikan soldatı hälak buldı, ikäw yaralandı dip xäbär itelä. Bağdadta şimbä könne AQŞ xärbiläreneñ yalğışlıq belän Ğiraqnıñ ike politsiä xezmätkären atıp üterüe turında äytelä. Atna axırında şualışlar kiçergän Basra şähärendä Britaniä ğäskärläre tärtip urnaştırdı dielä. Basradağı koalitsiä köçläre wäkile mayor Charlie Mayo Britaniä xärbiläre benzin stansiälärenä yağulıq kiterä häm Ğiraqlılarğa elektr çeltären torğızuda bulışa dide. Basrada atna axırındağı çualışlarda ber ğiraqlı häm ber nepallınıñ hälak buluı turında xäbär itelä.
XS
SM
MD
LG