Accessibility links

җомга, 9 декабрь 2016, Казан вакыты 20:25

Liberiädä atışlar däwam itä


Düşämbe prezident Charles Taylor wazıyfasınnan kitkännän soñ ildäge iñ zur ğisyançı törkem küçeş çorı xökümäte citäkçelegen üzenä tapşırunı taläp itä. Elekke prezident urınbasarı, kiçä il citäkçelegen üzenä alıp prezident antı qabul itkän Moses Blah prezident urınbasarı wazıyfasın ğisyançılarğa täqdim itte. Ämma Tatulıq häm Demokratiä Öçen Berläşkän Liberiälelär dip atalğan ğisyançılar törkemeneñ general' sekretare urınbasarı Sekou Fofana törkemneñ prezident wazıyfasın üz qulına alırğa teläwe turında belderde. Bu törkem elegräk barı tik Taylornı wazıyfasınnan töşerü öçen genä köräşüen äytep kilä ide. Taylor kiçä xakimiätne qaldırıp Nigeriägä sıyındı. Liberiä saqlanu ministrı Daniel Chea başqa ber ğisyançı törkem başqala Monroviäneñ hawa alanı yanında xökümät köçläre belän suğışunı däwam itä dide. AQŞ xärbi korabları Monroviä yarlarına yaqın torsa da, alarğa Liberiägä kerü färmanı äle birelmägän.

XS
SM
MD
LG