Accessibility links

шимбә, 3 декабрь 2016, Казан вакыты 16:56

Kelly ülemen tikşerüçe mäxkamädä BBC xäbärçese çığış yasadı


BBC xäbärçese Andrew Gilligan Britaniä xökümäte wäkile David Kellynıñ ülemen tikşerüçe mäxkamä qarşında çığış yasadı. Gilligan Britaniä xökümäte Ğiraqnıñ qorallar programmasınnan yanağan qurqınıçnı sürätlägändä arttırıp cibärgän digän tapşıruların yaqlap çıqtı. Uzğan ayda cämäğätçelekkä Gilligan tapşırularınıñ çığanağı Kelly dip kürsätelgännän soñ Kellynıñ qan tamırları kiselgän mäyete tabıldı. Gilligan üz çığışında Kelly mina xökümät xisabınıñ iğlan itelügä ber atna qala üzgärtelüe, aña Ğiraqnıñ küpläp üterü qoralları qullanu mömkinlege turında ışanıçlı bulmağan mäğlümätlär kertelüe turında äytte dide. Gilligan äytüençä, Kelly Permyer-ministr Tony Blairnıñ elemtä bülege mödire Alastair Campbellnı küzläw xisabına ışanıçsız mäğlümätlär kertüdä ğäyeplägän. Blair xökümäte Ğiraq suğışın yaqlawğa ireşü öçen küzläw xisabında arttırular qullanılğan digän ğäyepläwne kisken kire qaqtı.

XS
SM
MD
LG